euskalkultura.com

euskal diaspora eta kultura

Albisteak rss

Uruguaiko Saltoko barnetegiak abiatu du ‘Argentinan Euskaraz’ egitarauaren 25. urteurreneko urtea

2015/01/26

Saltoko Euskaldunen Taldea euskal etxea izan da 2015eko Udako Barnetegiaren antolatzailea (argazkia Valeria Garcia Oyarzabal)

HABEk kudeatzen duen Euskara Munduan programaren egoitza izan da berriro ere Uruguai. Bertan bildu dira Argentina, Brasil, Txile eta Uruguai bertako ikasleak 'Euskara Munduan' programaren 2015eko Udako Barnetegian partaide. Elkarretaratze honekin, eta Argentinan Euskaraz programaren 25. urteurrenaren baitan, jarduerez betetako urte bati ekin diote Hego Amerikako euskara ikasle-irakasle eta euskaltzaleek.

Gehiago irakurri...


Ramon Ysursa, instituzio bat Boiseko euskal gizataldean, hil da hiriburu idahotarrean, 95 urte zituela

2015/01/23

Ramon Ysursa (argazkia EuskalKultura.com)

Pertsona apala, hurbila eta aktiboa ia bere azken momenturaino, joan den asteazkenean hil da Estatu Batuetan, Idahoko Boise hirian, Ramon Ysursa, oso pertsona ezaguna Idahoko euskal komunitatean eta kolektibitate horretako adin altuenetako kidea. Ramon Ysursa, orain egun batzuk arte Idahoko estatu-idazkari izan den Ben Ysursaren aita zen eta baita John Ysursarena ere, besteak beste, azken hau urtetan NABO Estatu Batuetako euskal elkarteen federazioko arduradun eta sustatzailea eta gaur egun BSU unibertsitatean historia irakasle eta Euskal Ikasketen Partzuergoko zuzendaria.

Gehiago irakurri...


Dave Bieter, Boiseko alkate euskalduna, Obamarekin Air Force One hegazkinean

2015/01/22

Dave Bieter eta Obama, hegazkinetik jaisten (argazkia @BoiseWeekly)

Air Force One hegazkinean bidaiatzen duen aurreneko euskalduna izango da, ziurrenik, Dave Bieter Boiseko alkatea. Politikari euskal amerikarrak Washingtonetik Boisera itzuli behar zuen atzo, eta azken orduan lagun batek haren hegazkin pribatuan bidaiatzeko gonbitea egin zion. Lagunak Barack Obama izena du eta garraiobidea ehundaka pelikulatan ikusi dugun Air Force One mitikoa, AEBetako presidentearen hegazkina. Zeri buruz hitz egin ote zuten bidaian? Bada, euskal artzaina izan zen Bieterren aitonari buruz antza (bideoa).

Gehiago irakurri...


EuskalKultura.com-ek blog atal berria zabaldu du, iritzi, iruzkin eta gogoeten sustatzaile

2015/01/22

Blog atal berria, webgunearen lehen orrian, argazki galerien ondotik.

Blogen sail berria zabaldu zuen atzo EuskalKultura.com-ek. Tarte berri bat zabaldu nahi izan dio ekarpenak egin eta euren hausnarketa eta berriekin, euren iradokizun eta komentarioekin, euskal diaspora eta kulturaren esparrua aberastu eta hobetu dezaketen kolaborazioei. Atal irekia da eta datozen egun, aste eta hilabeteetan izen eta lankidetza berriak bildu nahi lituzke. Urrats honekin, orain arte noizbehinka webgunearen artikulu editorial moduan Joseba Etxarrik sinatzen zuena 'aniztu' eta zabaldu egiten da, Artikuluok euskaraz, gaztelaniaz, frantsesez edo ingelesez izango dira, egileen hautua, nahiz eta horietako batzuk euskaratzen saiatuko den erredakzioa.

Gehiago irakurri...


Kubako euskaldunen historia argitara ekarri du Habanan egin berri den "Euskal Herria Mugaz Gaindi" Mintegiak

2015/01/22

Mintegiaren inaugurazio ekitaldian hizlari Asier Vallejo, Kanpoan den Euskal Komunitatearentzat zuzendaria; ondoan, rarekin, Renato Garcia Eguskiza (Kubako EE), William Douglass (Renoko CBS) eta Ortiz Fundazioko ordezkaria (argazkia Kuba EE)

Urtea indartsu hasi du Kubako euskal komunitateak, izan ere urtarrilaren 12tik 14ra etxean hartu zuen Euskal Herria Mugaz Gaindi mintegiaren 11. edizioa. Habanan egin ziren jardunaldietan gai nagusia Kubako euskaldunen historia izan zen eta bertara bildu ziren Euskal Herriko; AEBetako eta Kubako hainbat historialari eta aditu. "Asociación Vasco-Navarra de Beneficiencia", Kubako euskal etxea, pozik agertu da mintegiak izan duen arrakasta dela eta.

Gehiago irakurri...


Alfredo Jover, danbor nagusi: “Donostian ala Mexikon jaio arren, gakoa danborrada bizi eta sentitzea da”

2015/01/22

80. hamarkada azkenetik da Alfredo Jover donostiarra –1959tik darama Mexikon-- DFko danborradako danbor nagusi (argazkia EuskalKultura.com)

Donostian festa burututa, Diasporan datorren igandera arte luzatuko dira danborradak. Joan den asteburuan Paris eta New Yorken izan ziren aitzindari eta hurrengo asteburuan Madril, Caracas, Murtzia, Mexiko, Valladolid eta Shanghaiko euskal etxeetako danborradak izango dira aurtengo amaiera-emaile.

Gehiago irakurri...


Bizi-bizi hasi da danborrada Diasporan: ikus Paris, New York, Madril eta Arrecifeseko argazki kronika

2015/01/21

Madrilgo Euskal Etxeak Jai Alai izeneko jatetxean egin zuen San Sebastian bezperako afaria eta, bai, jaia itzela izan zen! (argazkia Madril EE)

Donostia eta Azpeitiko bandera igoerari aurrea hartuta, Parisen eta New Yorken hasi ziren aurtengo danborradaren hotsak asteburuan eta astelehenean Madril, Bartzelona, Lima eta Arrecifeseko euskaldunek ere bat egin zuten festarekin. Jarraian, egunotako festa eta ekitaldien argazki sorta bildu dugu. Baina festa ez da hemen amaituko, inondik ere! Adi datozen hitzorduetara! 

Gehiago irakurri...


Berri Txarrak Bordele eta Parisera helduko da 2015eko nazioarteko biran; gero Frankfurt, Berlin, Texas...

2015/01/21

Berri Txarrak taldea Bordelen izango da etzi

Diasporako musikazaleek Berri Txarrak taldea zuzenean ikusteko aukera izango dute datozen hilabeteetan taldea nazioarteko bira egiten ari delako "Denbora da poligrafo bakarra" diskoa aurkezten. Bira Donostian hasi zen, sarrerak agortu zituzten lau kontzertu historikoekin. Ostiralean Bordelen izango dira eta larunbatean Parisen. Ondoren, Madril, Bartzelona, Berlin, Frankfurt eta Texas izango dira birako beste hitzordu batzuk.

Gehiago irakurri...


Badator Danborrada! Paris eta NYeko euskal etxeek bihar hasiko dituzte San Sebastian Eguneko ospakizunak

2015/01/16

Iazko San Sebastian Astean Necocheako Euskal Etxeko Helduen Taldeak Necocheako Udal Musika Banda lagun jo zuen. Eta baita etxeko txikiek ere, hauek Donostiako Gaztelubide Elkarteak oparitutako ohol txikiak baliaturik (argazkia Necochea EE)

Diasporan entzungo dira aurrena Danborradaren doinuak aurten, Paris eta New Yorkeko euskal etxeek bihar ospatuko dutelako San Sebastian Eguneko festa. Behin hasita, jaia etenik gabe luzatuko da Diasporan zehar: astelehen gau eta asteartean Donostia eta Azpeitian, baina astean zehar eta iganderaino Madril, Bartzelona, Arrecifes, Necochea (astebeteko festa egitaraua eginez), Caracas, Murtzia, Mexiko, Valladolid, Shanghai...

Gehiago irakurri...


Mila esker irakurleei zuen zorionengatik, guk ere onena opa dizuegu: buletina urtarrilaren 21ean itzuliko da

2015/01/07

Geurea egiten dugu Argentina barnealdetik, Villa Mariako Euskal Etxetik egindako topa: agiantza onenak 2015 honetarako!

Iritsi gara beste urte batez zenbaki aldaketara: 2014ak 2015ari eman dio bidea. Lerro hauen bidez, eskertu nahi dizugu, irakurle eta lagun, zure zintzotasuna eta laguntasuna elkarrekin daramagun bidean. Zu hor zaudelako gaude gu hemen. Gure euskal komunitateen beharrak sortu zuen EuskalKultura.com eta elkarrekin interneten 2001etik hona --lehenagotik bitartekari 'zaharretan'-- daramagun bidea gorabeheratsua, ez beti erraza, baina zinez emankorra izan da. Apustuari eusten diogu.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia