Montevideo, Uruguai. Inaugurazio zeremonia San Fermin ospatzeko antolatutako bazkarian egin zuen Euskal Etxeak, uztailaren 8an. Hiriburuetako izenekin batera elkarteko erreferente diren hiru lagunaren izenekin ere bataiatu zituen Euskarok bere hiru gela hauek.
Euskara gela Baiona–Bayonne. Emilio Latorre Gil da orain; liburutegia, Maule-Lextarre – Mauleon-Licharre. Jorge Eulogio Arin Ayphassorho; eta erabilera anitzeko aretoa, Donibane Garazi – San Juan Pied de Port. Baldomero Anso Eguinoa.
Izen hauekin Euskal Herriko hiriburu guztiak daude Euskaroren egoitzan; izan ere, Zuzendaritza Batzordearen gelak ‘Vitoria-Gasteiz’ du izena; mus gelak, ‘Pamplona-Iruña’; ikasgela handiak ‘Bilbo-Bilbao’; eta jai aretoak ‘Donostia-San Sebastian’.
San Fermin bazkaria animatzeko, Pablo Mendaro kantautore uruguaitarrak abesti herrikoi batzuk kantatu zituen gitarrak lagunduta eta Baldomero Anso esku-soinujoleak eta bere seme Alejandro Anso txistulariak ere jo zuten.
Lagun bati bidali
Komentarioa gehitu
