Montevideo, Uruguai. Uda sasoi betean gaude hemen, baina Uruguain ere euskal etxeak hasiak dira pixkanaka 2019 ikasturte berriko lehenengo urratsak ematen, udako geldialdiaren ostean. Hiriburuko Euskaro EEan, lehenengo bilkura musari lotua izan da, izan ere euskal karta jokoa jarduera bereziki garrantzitsua baita bertan. Gogoratu bejarrik ez dago, euskal etxe hau MercoMus txapelketa hegoamerikarraren egoitza izan zela iaz, Argentina, Txile, Peru, Venezuela eta Uruguai bereko goi mailako muslariekin.
Aktibitate honi oraindik ere sustapen gehiago emateko, mus egunak antolatzen dituzte Euskal Etxean asteazkenero. Batzuek jokatzera bilzen dira, beste batzuek, ikastera, Mus Eskolako parte. Euskal Etxeko erreferente Lucia Goñik EuskalKultura.com-i azaldu dionez, “aste honetako asteazkenean, otsailaren 20an egin dugu urteko lehenengo topaketa, oso arrakastatsua gainera, lagun ugarirekin, asko gazteak”.
Aurreneko hitzordu honen ondotik, Euskaro, urtean zehar eskaintzen dituen gainerako jarduerekin hasiko da segidan, tartean dantza eta euskara eskolekin, kultur hitzaldiekin, zine saioekin eta abar, batzuk aipatzearren.
Lagun bati bidali
Komentarioa gehitu
