euskalkultura.eus

euskal diaspora eta kultura

Albisteak rss

Milango Unibertsitateak online argitaratu du sei euskal poeten antologia, italierara itzulitako olerkiekin

2014/10/31

Antologian sei euskal poeten lanak bildu dira
Antologian sei euskal poeten lanak bildu dira

PUBLIZITATEA

Bernardo Atxaga, Joseba Sarrionandia, Rikardo Arregi, Miren Agur Meabe, Kirmen Uribe eta Harkaitz Canoren idatziak argitaratuko ditu Milango Unibertsitateak, "Il giardino dei sensi risvegliati- Antologia di sei poeti baschi contemporanei" izena duen italierara itzulitako antologian. Tintas aldizkarian eskuragarri izango da lana sarean, bihartik aurrera.

Milan, Italia. Etxepare Euskal Institutuak aditzera eman duenez, Danilo Manera Milango Unibertsitateko irakaslearen eskutik itzulitako antologia da, Unibertsitate berak kudeatzen duen Tintas aldizkarian. Italierazko itzulpen finak sortu ditu Manerak,Etxepareren poesia antologia eta euskal olerkigintzan aztarna utzi duten eta uzten ari diren autore ezberdinen olerkiak oinarri hartuta.

Ez da, ordea, euskaratik itzultzen duen lehen aldia: B. Etxepareren Linguae Vasconum Primitiae (Euskaltzaindia, Bilbo, 1995); X. Kintanarekin batera prestatutako In Forma di Parole (1987); edota X. Kintanaren Euskararen eta euskal literaturaren ibilbidea (Erroma, 2001) ere itzuli ditu, besteak beste.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia