euskalkultura.eus

euskal diaspora eta kultura

Albisteak rss

Maria Julia Ercorecaren senarra, Nicolás Fagoaga, aukeratu dute Puerto Madryngo EEko lehendakari izateko

2011/09/28

Puerto Madryngo EEko dantzariak, geroa, oinarrizkoak elkartearen egituran eta euskal etxekoen helburu Maria Julia Ercorecak esan ohi zuenez, eta aurrerantzean ere izango denez
Puerto Madryngo EEko dantzariak, geroa, oinarrizkoak elkartearen egituran eta euskal etxekoen helburu Maria Julia Ercorecak esan ohi zuenez, eta aurrerantzean ere izango denez

PUBLIZITATEA

Oraindik ere bere fundatzaile eta arima zen Maria Julia Ercoreca galtzeak ekarritako kolpetik erabat bizkortu gabe, baina aurrera egiteko bokazio eta nahikeria dauka Puerto Madryngo 'Etorritakoengatik' Euskal Etxeak. Ildo horretan, Maria Juliak hutsik utzitako lehendakari postua berritu du euskal elkarteak, eta berritu ere geroari begira eta Maria Juliak utzitako ondarea zaintzeko egokien izan zitekeen pertsona aukeratu du euskal etxeak, izan ere haren alargunari, Nicolas Alberto 'Cachin'i proposatu baitio erronka hori eta honek, ongi pentsatu ondoren, baiezkoa eman dio, bere burua ezin tinkoago engaiatuz beraz, euskal kultura eta identitatea Argentinako Chubut probintzian lantzen eta zabaltzen segitzeko lanarekin.

Puerto Madryn, Argentina. Gertatu berriegia da oraindik Maria Julia Ercoreca Ibargurengoitiaren heriotza, baina aurrera egin behar denez, eta Maritak berak nahi izango lukeen gisan, bizitzak segitu behar du eta baita Puerto Madryngo Euskal Etxearen bizitzak ere, Maritak euskal arbasoak omentzearren 'Etorritakoengatik' izenarekin bataiatu zuen euskal etxearen bizitzak.

Bera akuilu, sostengatzaile eta gidari izanik Puerto Madrynen hasitako euskal lana nola hobekien zaindu eta zabaldu izan da azken asteotan euskal etxeko Zuzendaritza Batzordekoek egindako gogoeta, eta gogoeta horretan eta Maritak lehendakaritzan utzitako lekua nork bete erabakitzerakoan proposamen jakin batek egin du aurrera, hala nola Maria Julia Ercorecaren senar eta egun alargun den Nicolas Alberto Fagoaga 'Cachin'i proposatzea lehendakari izatea.

Eta honek, proposamena entzun eta ongi pentsatu ondoren, baiezkoa ematea erabaki du, Zuzendaritza Batzordeko gainerako kideekin helburua, orain arteko lanari segida eta garapena ematen segitzea izanik. Ondorioz, hona Zuzendaritza berria osatzne dutenen izenak:

-Lehendakari: Nicolas Alberto Fagoaga
-Lehendakariorde: Cesar Andres Elorriaga Odriozola
-Idazkari: Liliana B. Martin
-Idazkariorde: Diana Dora Lleonart Alberdi
-Diruzain: Gladys Elena Olazabal Mariescurrena
-Diruzainorde: Marta Graciela Erro

-Batzordekide titular: Carlos Rodolfo Aristarain, Eusebio Guridi y María Candelaria González Iramain
-Batzordekide ordezko: Eva Lidia Odriozola Taborda, José Gustavo Esquercia eta Julieta Esquercia

-Kontu ikuskatzaile: Pedro Anibal Iriarte eta Adolfo Ernesto Castellino Alsua



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia