euskalkultura.com

euskal diaspora eta kultura

Albisteak rss

Entzun internet bidez "8 Herrialdeak Zuzenean", euskal Diasporari zuzenduriko irratsaioa, heldu den igande honetan

2015/04/02

"8 Herrialdeak Zuzenean" saioaren esatari aurreko emanaldi batean: Benoit Etcheverry, Robert Acheritogaray eta Adelaide Daraspe (argazkia 8HZ)

Diasporarentzat eta Diasporarekin eginiko irratsaioa da "8 Herrialdeak Zuzenean", eta mundu osoko entzuleengana heltzen da, internet bidez. Benoit Etcheverry eta Robert Acheritogaray dira saioko esatariak, eta lau hizkuntza erabiltzen dituzte: euskara, frantsesa, ingelesa eta gaztelania. Igandean egingo da hil honetako saioa, adi egon!

Gehiago irakurri...


Diasporak Aberri Eguna ospatuko du asteburuan: Miami, Necochea, New York, Las Vegas...

2015/04/01

Esku-dantza dantzatzera animatu ziren gazteak iaz Txileko Santiagon egin zen Aberri Egunean (argazkia GureEtorkiaEE)

Urtero legez, Diasporako euskaldunek Aberri Eguna ospatuko dute aurki, batzuk asteburu honetan bertan, eta beste batzuk datozen asteetan. Festa hau oso garrantzitsua izan da beti Euskal Etxeetako bazkideentzat eta urteko bilerarik nagusienetakoa da elkarte askotan. Jarraian, munduan zehar egingo diren Aberri Eguneko ospakizunen zerrenda.

Gehiago irakurri...


‘Euskal Belardia’ berdegunea inauguratu zuen Mendozako Denak Bat-ek Aberri Eguneko programa barruan

2015/04/01

Mendozako Denak Bat-eko kideak hobetu berria den hiriko Independencia Plazako ‘Euskal Belardia’ berdegunean (argazkia EE)

Nahiz eta berez ospakizun eguna datorren igandea den, Mendozako euskal etxeak astebete aurreratu du jaiaren programa, ahalik eta lagun gehienekin ospatu ahal izateko. Joan den larunbat eta igandez, asteburu osoko egitarauaren baitan, zine eta hitzaldiak eskaintzeaz gain, pilotalekua eta Independentzia Plazako ‘Euskal Belardia’ inauguratu zuen euskal gizatalde cuyotarrak. 

Gehiago irakurri...


Bilbon amaitu zen Korrika 19, Euskal Herrian eta Diasporan milaka kilometro egin ostean

2015/03/31

Mexiko DFko Korrikak hirian euskararen alde lan nabarmena egin duten lagunak omendu zituen, besteak beste Gurutzne Etxeberria, urte luzez Mexiko DFn euskara irakaslea (argazkia Iñigo Bilbao)

Igandean amaitu zen Korrika 19, Bilbon euskararen aldeko lasterketari harrera egin zion jendetza itzelarekin. Aurtengoa inoiz izan den Korrikarik jendetsuena izan, AEKko antolatzaileen esantean, eta Diasporan ere, inoiz baino leku gehiagotara heldu da Korrikaren mezua. Asteburuan, esaterako, lasterketak egin ziren Mexiko DFn, Valparaison, Valentzian, Montrealen eta Marsellan. Jarraian, bideo eta argazki sorta.

Gehiago irakurri...


Argentinan, Buenos Aires, Llavallol, La Plata eta Villa Marian ere ospatu zen 19. Korrika, bertako erara

2015/03/31

19. Korrika martxoaren 28an izan zen La Platan, Moreno Plazan, Katedralaren aurrean (argazkia M. Agostini Zubillaga)

Diasporako beste hainbat tokitan bezala, egun batzuk aurreratu zen 19. Korrikaren hasiera Argentinan eta lekukoa Urepeletik atera aurretik abiatu zen. Bukatu ere ez zen Bilbon bukatu zen momentu berean amaitu; izan ere, igande arratsaldez egin zen azken ekitaldia, Villa Marian. Hori baino lehen, Euskal Echea eskolaren bi egoitzetan eta La Platan ere ospatu zuten euskaltzaleek. Argazkiak eta bideoa, artikulu honetan.  

Gehiago irakurri...


Patagoniako Bariloche eta San Martin de los Andes hirietako euskal gizataldeek Sara Pagolaren bisita jaso zuten

2015/03/31

Sara Pagola eta Mariana Satostegui San Martin de los Andesko Euskal Txokoa elkarteko lagunekin (aragzkia Euskadiren Ordezkaritza)

Eusko Jaurlaritzaren eskualderako ordezkari den Sara Pagolak Barilocheko 'Mendiko Euzko Etxea' eta jaio berria den San Martin de los Andesko 'Euskal Txokoa' erakundeetako kideekin elkartu zen. Bi bisitetan, euskal etxeek antolatutako ekintzetan hartu zuen parte Euskadiren Argentinako-Mercosur Ordezkaritzaren buruak. 

Gehiago irakurri...


"An end to the Basque Conflict?" mintegiaren harrera beroarekin amaitu da aurtengo Manuel Irujo Katedra Liverpooleko Unibertsitatean

2015/03/30

MIntegian parte hartu zuten adituak, tartean Xabier Irujo eta Juan Jose Ibarretxe, eta Etxepare Institutuko Mari Jose Olaziregi

Jakinmina sortu zuen Liverpooleko Unibertsitatean "An end to the Basque Conflict?" mintegiak eta galde erantzunen tartean euskal gatazkari eta Euskal Herriko egoerari buruz luze eta zabal solastu ziren bertan bildutako adituak eta partehartzaileak. Ibarretxe lehendakariaren hitzaldiak, bereziki, entzule asko bildu zituen. Mintegi honekin amaitu dira Manuel Irujo Fellowship Katedrako aurtengo jarduerak.

Gehiago irakurri...


Aberri Eguna ospatzeko, Habanako Euskal Astea antolatu du bertako euskal etxeak euskarari eskainia

2015/03/30

Aberri Egun kubatarraren aurreko edizio bateko irudia (argazkia EuskalKultura.com-HEE)

Datorren igandean Aberri Eguna izango dela-eta --eta euskal festa hau Habanan ospatzea tradizio da dagoeneko hiri kubatarrean-- Habanako Euskal Astea antolatu du Habanako Euskal Etxeak. Ekitaldiak euskara izango dute ardatz eta gaur bertan hasiko dira, euskara ikasleekin egingo den festa batekin. Astea bururatzeko, 250 bat pertsona bilduko dituen Aberri Eguneko elkarretaratzea, euskal musika, hitzak, bertsoak eta giroa nagusi.

Gehiago irakurri...


Abian da 2015eko Euskal Kulturari hitzaldi zikloa Quilmes hiri argentinarreko Pedro Goyena Liburutegian

2015/03/30

Luis Lúquez, Pedro Goyena Liburutegiko presidente Ana Aispuru eta Ariel Ghizzardi programa prestatzen (argazkia Pedro Goyena Liburutegia)

Bigarren urtez jarraian, ateak ireki dizkio Buenos Aires handiko Quilmes hiriko Pedro Goyena Liburutegiak euskal kolektibitateari Euskal Herriaren historiarekin lotura duten hainbat gai plazaratu eta zabaltzeko. 2015eko lehenengo mintzaldia joan den ostiralean izan zen, Luis Lúquez irakaslea hizlari.

Gehiago irakurri...


Euskal Argentina elkarteak bihar eginen du bere urteko Biltzar Nagusia Donibane Garaziko Herriko Etxean

2015/03/27

Euskal Argentina elkartearen aurreko Biltzar Nagusia bat Donibane Garaziko Herriko Etxean (argazkia EuskalKultura.com)

Bihar eginen du Donibane Garazin bere urteko Biltzar Nagusia Euskal Argentina elkarteak. Biltzarra goizeko 9:30etan hasiko da Herriko Etxean. Monika Legarto buru duen elkarteak hondar urteko emaitzak aztertuko ditu, bai ekitaldi zein ekonomia aldetik ere, iaz Txile-Argentina eginiko bidaia arrakastatsua barne. Aipatuko dira baita ere, Argentinarekilako elkarteen bilera Semeac-en, Nantes-ko artxiboen zerrendaketa, El Vasco de la Carretilla filmaren emanaldia maiatzean eta 2015eko Macachingo Euskal Astea. Bukaeran, Gaby Etchebarnek Argentinako bere liburua aurkeztuko du.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia