euskalkultura.eus

Donostia-San Sebastián. Euzko Alkartasuna hotel berrituak goi mailako 36 logela dauzka eta gela bakoitzak honako baliabide eta zerbitzuak baitaratzen ditu: hozkailua, aire egokitua, wi-fi-a, LCD telebista, eta gosari, bazkari-afari zerbitzuak...) eta horiexek eskainiko dizkie Macachinera heltzen diren bidaiariei, hori guztia apaindura eta giro erabat euskaldunean.

Bere diseinu, tankera, kolore eta moldeetan euskal ikutu euskaldun sakona duen hotel unikoa da Macachingo Euzko Alkartasuna, bertako euskaldunek euren herriaren, hizkuntza eta kulturaren lekuko, eta horiekiko euren atxikimendu eta maitasun handiaren adierazgarri.

[hoteleko zenbait bista eta ikuspegi]

Orain urtebete pasatxo, bere arima errespetatuz goitik behera zaharberritutako eta egungo kalitete standarretara egokitutako hotela den hau Macachingo euskal komunitatearen eta euskal etxearen egoitza ere bada eta bere instalazioak euskal kultura eta tradizioaren hainbat adierazgarriz daude apainduta: diseinuak, argazkiak, tresnak, hormirudi eta artelanak, euskal izenak, liburu eta objektuak...

Harro eskaintzen diegu, beraz, gure irakurle eta lagunei hotela bisitatzeko aukera: bi pertsonarentzako bi gau, luxuzko logelan, gosariak eta afari bat barne, 2013 edo 2014an erabiltzeko. Parte hartzeko, aski da mezua bidaltzea info@euskalkultura.com helbidera, mezuaren gaian "Euzko Alkartasuna zozketa" ipiniz, eta honakoa idatzita:

• Bidali zure izen-deiturak eta telefonoa, bizi zaren hiria, herrialdearekin,  info@euskalkultura.com helbidera. Gaian “Euzko Alkartasuna Zozketa” adierazi.
• Honako galderari erantzun: zein da zure ustez Euskal Herriko herri ed.o hiririk politena, eta zergatik?
• Mezu bakoitzeko erantzun bakarra onartuko da.
• Pertsona bakoitzeko, hiru mezu onartuko dira (pentsatuz ez dela erraza izango hiri bakar bat hautatzea).
• Email helbide bakoitzetik pertsona bakarrak parte hartu ahal izango du (lehenago esan bezala, gehienez hiru mezu igorriz, bakoitza hiri baten izenarekin).