euskalkultura.eus

euskal diaspora eta kultura

Albisteak rss

Londresera eta Parisera helduko da aurten Laburbira euskarazko film laburren jaialdia

2013/03/05

Aurtengo Laburbira film laburren zirkuituaren afitxa
Aurtengo Laburbira film laburren zirkuituaren afitxa

PUBLIZITATEA

Topaguna Euskara Elkarteen Federazioak Laburbira euskal film laburren jaialdiaren hamargarren edizioa antolatu du aurten. Atzo bertan abiatu zen zinemaldi ibiltari hau, Erandion, eta martxoaren 29a birtartean Euskal Herriko eta Diasporako hainbat tokitara eramango du iaz eginiko euskal film laburren sorta ederrra. Ostiralean, esaterako, Londresera helduko da, London Basque Society euskal etxeak antolatu duen ekitaldiari esker. Martxoaren 23an, berriz, Pariseko Euskal Etxean izango dira ikusgai.

Donostia-San Sebastián. Hamar urte bete ditu aurten Laburbirak, Topagunea Euskara Elkarteen Federazioak antolatzen duen film laburren zirkuitu ibiltariak. Aurtengoan 2012an eginiko zortzi lan aukeratu ditu elkarteak, Euskal Herrian zein Diasporan erakusteko. Hauetxek dira Laburbira 2013 jaialdiako programa osatzen duten film laburren egileak: Carlos Rodriguez, Oihan Amezua / Karlos Ibarbia / Netzer Bereziartua / Asier Sustaeta, Kote Camacho, Koldo Almandoz, Bernues anaiak, Telmo Esnal, Iñigo Lopez eta Ander Mendia.  

Aurreko edizioetan bezala, Laburbira Diasporara ere helduko da, euskal etxeen ahaleginari esker. Horrela, ostiral honetan, martxoaren 8an, Londresko Oxford Housen egingo da emanaldia, London Basque Society elkarteak antolatuta. Ondoren, martxoaren 23an Parisen izango dira filmak ikusgai, Pariseko Eskual Etxeari esker.

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia