euskalkultura.eus

euskal diaspora eta kultura

Albisteak rss

Literatura-itzulpenetarako eta euskal kultura sustatzeko diru-laguntzak argitaratu ditu Etxeparek

2012/04/17

Etxepare Euskal Institutuaren logoa
Etxepare Euskal Institutuaren logoa

PUBLIZITATEA

Etxepare Euskal Institutuak bi diru-laguntza deialdi berri eman ditu argitara: bata, euskararen jabari geografikotik kanpora euskal kultura sustatzeko eta hedatzeko xedea duten kultur programa edo jarduera bereziak sustatzeko; bestea, euskal idazleen lanak euskara ez diren hizkuntzetara itzultzeko. Lehen kasuan, eskabideak aurkezteko epea bi hilabetekoa izango da, gaurtik hasita. Bigarren kasuan, aldiz, bi epe egongo dira: gaurtik maiatzaren 16ra bitartekoa eta urriaren 1etik 31era bitartekoa.

Donostia-San Sebastian. Euskal Herritik kanpo euskara eta euskal kultura sustatzeko bi diru-laguntza berri argitaratu ditu Etxepare Euskal Institutuak. Lehena, 2012an zehar euskararen jabari geografikotik kanpora euskal kultura hedatzeko xedea duten kultur programa edo jarduera berezientzako da. Ebazpen honekin Etxeparek institutuaren beste deialdien babesean diru-laguntzarik jaso ezin baina Etxepareren helburuekin bat datozen programak lagundu nahi ditu.

Diruz lagundu daitezkeen programatzat joko dira "haien kalitatearen, erabileraren edo berariazko helburuaren ikuspuntutik eta haien balio komertziala edozein izanik ere, adierazpen kulturalak transmititzen" dituzten jarduerak. Institutuak zera joko du "adierazpen kulturaltzat": eduki kulturala duten pertsonen, taldeen eta gizarteen sormenaren ondoriozkoak. Adierazpen horiek, besteak beste, hitzen bidez igorritako mezuek, soinuek eta irudiek osatzen dituzte, edozein euskarri, ekintza edo objektu erabiltzen dela ere.

Eskabideak aurkezteko epea bi hilabetekoa izango da, gaurtik kontatzen hasita. Deialdiaren informazio osoa, ebazpenean, hemen.

Literatura-itzulpenak

Bestalde, atzo argitaratu ziren ere literatura-itzulpenetarako diru-laguntzak. Deialdiak honako itzulpen jarduerak lagunduko ditu: 

- Jatorriz euskaraz idatzi eta argitaratutako literatura-obrak edozein hizkuntzatara itzultzea.

- Euskal Autonomia Erkidegoan jaio edo bizi diren idazleek jatorriz gaztelaniaz idatzi eta argitaratutako literatura-obrak euskara ez den beste edozein hizkuntzatara itzultzea.

- Egoitza euskararen eremu geografikotik kanpo duten aldizkarietan 2012an argitara emateko euskal idazleen testu literario laburrak (poemak, ipuin edo antzerki laburrak…) edozein hizkuntzatara itzultzea.

Eskabideak aurkezteko bi epe izango dira: lehena gaurtik maiatzaren 16ra bitartekoa; bigarrena urriaren 1etik 31ra bitartekoa.

Deialdiaren informazio osoa, ebazpenean, hemen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia