euskalkultura.eus

euskal diaspora eta kultura

Albisteak rss

Las Floresek neguko barnetegia inauguratu zuen eta diplomak eman zizkien aurreko ikastaroetako ikasleei

2009/09/29

Ezkerretik, Graciana Goicoechandia, Las Floresko EEko lehendakaria; Felipe Eiheragibel FEVAko lehendakaria; Las Floreko alkate Alberto C. Gelené; eta HABEko 'Euskara Munduan' programako koordinatzailea
Ezkerretik, Graciana Goicoechandia, Las Floresko EEko lehendakaria; Felipe Eiheragibel FEVAko lehendakaria; Las Floreko alkate Alberto C. Gelené; eta HABEko 'Euskara Munduan' programako koordinatzailea

PUBLIZITATEA

Buenos Aires probintzia barrualdeko Las Floresen, bertako Udaletxeko Areto Gorrian, ziurtagiriak banatu zitzaizkien joan den larunbatean euren azterketak gainditutako ikasle/irakasleei. Barnetegiko inaugurazio ekitaldi ere izan zen elkarretaratzeak honako lekuetatik etorritako ikasleak ekarri zituen: AEB, Kolonbia, Brasil, Txile, Uruguai eta Peru-tik, eta baita ere Argentinako honako herrietatik, hala nola Mendoza, La Plata, Chivilcoy, Arrecifes, Saladillo, Azul, Viedma, Bahia Blanca, Trenque Launquen, Rosario, Rio Cuarto, Tandil, Gral. Villegas, Gral. Rodriguez eta Buenos Aires Hiri Autonomokoak. Alberto C. Gelené alkateak egindako hitzen ondotik, Euskal Etxeko bideo bat proiektatu zen eta bertako lehendakari den Graciana Goicoechandiak ongi-etorri hitzak eman zizkien barnetegiko partaideei.

Las Flores, Argentina. HABEko Euskara Munduan programako koordinatzaile den Jose Frantzisko Zinkunegi mintzatu zen orduan. Irakurri zuten ondoren Honorable Consejo Deliberante (HCD) delakoak plazaratutako agiria, barnetegia 'interes legislatiboduna' izendatuz. HCDko presidenteordeak, Monica Torres zinegotziak, eta Euskal Etxeko lehendakari izateaz gain Udaleko zinegotzi den Graciana Goicocheandiak  diplomak banatu zituzten.

2009 las flores barnetegia 01

[Las Floresko 'Loretako Euskaldunak' Euskal Etxeko lehendakaria, Felipe Eiheragibel FEVAko lehendakariaren eskutik zenbait material didaktiko jasotzen, ekitaldia hasi baino momentu batzuk lehenago]

2009 las flores barnetegia 02

[Udaletxeko Areto Gorriaren itxura, barnetegiko ikasle/irakasleak eta publikoa oro har bertan dela]

Bere aldetik, herriko alkateak Las Floresko harmarri heraldikoa eman zion FEVAko presidente Felipe Eiheragibeli, eta honek, berriz, Udalarentzako beste opari batez erantzun zuen. FEVAko presidenteak emango zien geroago tokiko Euskal Etxekoei zenbait ikasmaterial.

Azkenik, aipatutako ziurtagiriak banatu ziren eta ekitaldiari Diego Suarez eta Paula Marcus gitarra eta flauta jotzen jotako euskal eta argentinar doinuekin eman zitzaion azkena.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia