euskalkultura.eus

Laprida, Argentina. Hiriko eskoletara eta, zehatz-mehatz, bertako gazteengana Euskal Herriko kultura hurbiltzea du helburu Lapridako Euskal Etxeko 'Eusko Txokoa' liburutegiak duela zazpi urte abian jarri zuen txapelketa honek. Hamar galdera ondo erantzun behar dira eta erantzun zuzenen artean zozketa bat egin ohi da. Aurten Lapridako hiru eskolak hartu zuten parte, eta helduen kategorian, Olavarria, Ayacucho, Jose C. Paz eta Corpus Christitik ere erantzun zuten galdetegia.

Irabazleak hauexek dira: Gazteen kategorian:

1) Ricardo Young, Lehenengo Hezkuntza 6 zenbakiko Eskolakoa, 5. mailakoa
2) Kevin Damer, Nekazaritza eta Abeltzaintzako Eskolakoa, Bigarren Hezkuntzako 1. mailakoa
3) Elisa Torre, Oinarrizko Bigarren Hezkuntzako Eskolakoa, 1. mailakoa.

Eta helduen kategorian:

4) Aurora Darreche, Jose C. Pazeko Toki Eder Euskal Etxekoa

[Maria Ester Arrondo saria ematen Kevin Damer-ri (argazkia EE)]

[Elisa Torreren txanda; bere ondoan irakaslea eta María Ester Arrondo (argazkia EE)]