euskalkultura.eus

euskal diaspora eta kultura

Albisteak rss

La Platako Euzko Etxeak Bakearen Lorategi eraberrituaren inaugurazioan parte hartu zuen euskal stand bat aurkeztuz

2008/06/25

La Platako Euzko Etxeako kideak ikurrinarekin Bakearen Lorategiaren inaugurazioa (argazkia Euzko Etxea)
La Platako Euzko Etxeako kideak ikurrinarekin Bakearen Lorategiaren inaugurazioa (argazkia Euzko Etxea)

PUBLIZITATEA

La Platako Euskal Etxeak Bakearen Lorategiaren inaugurazioan parte hartu zuten, azken hilabeteotan egin dituzten eraberritze lanak bukatu ostean. Argentinar herriko Basoaren Pasealekuan dago parke adierazgarri hau eta bertan hiriko kolektibitateen irudi diren zuhaitzak landatu dituzte. Euzko Etxeak, noski, Gernikako Arbolaren kimua du ikur bezala. Inaugurazio ekitaldian hiriko agintariak eta kolektibitateen ordezkariek parte hartu zuten eta Euzko Etxeako kideek stand bat aurkeztu zuten euskal plater tradizional eta Euskal Herriari buruzko informazioarekin.

La Plata, Argentina. Euzko Etxeako kideek La Platako Basoaren Pasealekuko Bakearen Lorategiaren inaugurazioan parte hartu zuten hilaren 8an. Azken hilabeteetan eraberritze lanak egin dituzte parkean, hiriko kolektibitate desberdinen ikur diren zuhaitz, bandera eta plakak zaharberrituz eta kolektibitate bakoitzaren adierazgarri diren loreekin apainduz. Inaugurazio ekitaldia Pablo Bruera hiriko alkateak eta udaleko hainbat agintariek aurkeztu zuten.

Bakearen Lorategiaren aurkezpena2
[Pablo Bruera hiriko alkateak aurkeztu zuen ekitaldia]

Euskal Etxeak, aurkezpenarekin batera, euskal plater tradizionalak eta Euskal Herriari buruzko informazioa banatu zituen stand batean. Ikurrinek apaintzen zuten standa eta ikusle ugari hurbildu zen euskal kolektibitatearen saltokira.

Bakearen Lorategiaren aurkezpena1
[Euzko Etxeako kideak standa prstatzen (argazki multzoa La Platako Eusko Etxea)]

Bakearen Lorategia leku adierazgarria izan da azken urteetan La Platako euskaldunentzat. Euskal Etxeak Gernikako Arbolaren kimua jaso zuen iragan urtean eta kideek baso esanguratsu honetan landatu zuten. Landaketa 1937ko apirilaren 26an naziek burututako Gernikako bonbardaketaren 70. urteurrenaren oroitzapen jarduerekin batera egin zuten.


Lotura interesgarriak

La Platako Euzko Etxea
www.centrovasco.com



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia