Camagüey, Kuba. Kubako Euskal Enpresarien Elkartearen (KEEA-AEVC) I. Azoka Ibiltaria Camagüey-ra heldu zen atzo, uhartean egin behar duen ibilbideko azkenaurreko etapan, beti ere euskal kubatar harreman komertzialak sustatzeko asmoz.
Zerbitzu eta material ugariz hornitua, erakusketa Kubako Santiagon eta Holguin-en ibilia da dagoeneko. Camagüeyn egun oso bat igaro ondoren Santa Clarara abiatuko da. Lanabesak, sukaldeko tresnaak, motorrak, zerrailak eta lana babesteko bitartekoak aipa daitezke erakusketako osagaien artean, AIN, Kubako berri agentziak azaldu duenez.
Ernesto Abera, Antilletako irla nagusieneko KEEA-AVEC elkarteko Zuzendaritza Taldeko kideak Kubako berri agentziari esandakoaren arabera, handia izan da Kubako Errepublikako Merkataritza Ganberak emandako sostengua. Urtero egin nahi den hitzordu honek handitu nahi du hurrengo edizioetan elkarteen kopurua --gaur egun hamaika dira partaideak--, eta Kubako beste herri eta puntu batzuetara nahi du zabaldu.
2000. urtean sortua, KEEA-AVECek berrogei bat enpresa biltzen ditu. Bere salmentak, Espainiako estatuak Kubarekin daraman truke komertzialeko %20a dira, eta Espaina aldi berean Karibealdeko herrialde honetako bazkide komertzialen artean laugarrena.
Lagun bati bidali
Komentarioa gehitu
