euskalkultura.eus

Corpus Christi, Argentina. Eusko Etxeko berriek zehaztu dutenez, literatur lehiaketako epaimahaiko partaideetako bi --Lidia Shoninger lizentziatua eta Lirica Andino idazlea-- egon ziren sari-emate ekitaldian, eta hirugarrenak, Raul Novau-k, egon ahal izan ez bazuen ere, zorionak bidali zizkien irabazkeei eta baita euskal etxe antolatzaileari ere. Hona saritutako lan eta egileak:

-Lehenengo saria: Carlos Ariel Kusiak, 'El hijo del monte' kontaketarengatik. Eman zitzaion saria, Jorge Luis Borges-en 'El libro de arena' eta diploma
-Bigarren Saria: Olga Rosa Leiciaga, 'Kali'rengatik. Saria, Adolfo Bioy Casares-en 'Historias fantásticas' eta diploma
-Hirugarren Saria: Carlina Belén Gall, 'Misteriosa aparición en la noche'rengatik. Saria, Horacio Quirogaren 'Misteriosa aparición en la noche' eta diploma

[Carlos Ariel Kusiak, lehenengo sariko liburu eta diploma eskuratzen, 'El hijo del monte'rengatik, EEko idazkariorde Carlos Leyrías-en eskuetatik]

[Olga Leiciaga, bigarren sailkatuari dagokion saria jasotzen, Kali-rengatik, Carmen Miranda Zuzendaritza Batzordeko diruzainaren eskuetatik]

Epaimahaikoek erabaki zuten, bestalde, euren eskumenetan oinarrituta, hiru aipamen berezi ere ematea, honako egile eta lanei:

-Diploma: Gloria Vanessa Toth. Kontaketa: “El puente de la novia”
-Diploma: Luis Mario Oliverira. Izenburua: “Los fantasmas del pasado”
-Diploma: Adrián Isabelino Moreira. Izenburua: “Un extraño acompañante”

LEHIAKETA BERRI BAT DEITU DUTE

Orain arte izan duen arrakasta ikusirik, Eusko Etxeak lehiaketa honen deialdi berri bat egitea erabaki du, satisfaturik ohartu baita gazteek parte hartu dutela, nonbre esaguratsuan, eta eskertuta daudela idazletza lantzeko aukera hau emateagatik. Horregatik, eta irakasleen aldetik ere zentzu bereko iruzkin eta animoak errezibitu dituela-eta, euskal etxeak 'Kontaketa Harrigarriak II' literatur lehiaketa deitzea deliberatu eta aurrekoaren oinarri beretsuekin plazaratzea erabaki du.

Gaia: esperientzia harrigarri, berezi edo misteriotsuak, familia barnean entzundakoak, herrian edo probintzian.

Lanek gehienez hiru orrialdekoak behar dute izan eta 2010eko martxoaren 30a baino lehenago behar dira entregatu.

Xehetasun gehiago: telefonoz, 03752-495057 zenbakira deituz edo, mailez, euskorpus05@yahoo.com.ar helbidera idatziz