euskalkultura.eus

Bilbo, Bizkaia. Hari berari eutsiz eta Uriberen aktualitateari dagokionez, eleberri bera, 'Bilbao-New York-Bilbao', goraipatu du Londresko The Times egunkariko The Times Literary Supplement literatura gehigarriak, Ollie Brock kritikariak abuztuaren 12ko alean sinatutako kritikan.

Brocken hitzetan, Uribek idazle askok lortu nahi duen hori lortu du arrakasta osoz: familia, kontakizun laburrak eta literatura lotzen dituen liburua idaztea, ahozko kulturan ondo errotua baina baita ere literatur kulturan; eta den-dena autokonplazentzia arrastorik gabe.

Azkenik, Suediako Göteborgsposten (GP) egunkariko gehigarri kulturalean, Uriberi Kristoffer Kerher kazetariak egindako elkarrizketa luze bat agertu da. Egunkari hori, Suediako bigarren kazetarik irakurriena da.

'Euskal Herria: politikaz haratago' izenburua duen elkarrizketan Uribek bere azken nobelaz hitz egiten du eta, baita ere, Euskal Herriko kultura egoeraz.