euskalkultura.eus

Tres Arroyos, Argentina. Joan den abenduaren 3an eta Euskal Herriko eta Diasporako hainbat erakunderekin batera, 'Hiru Erreka' euskal etxeak Euskararen Nazioarteko Eguna ospatu zuen.

[Andres Monteagudo euskara irakaslea jaiaren arduradunetako bat]

Mota askotako ekintzak, batez ere gazteei zuzenduak, gauzatu ziren Euskal Herriko hizkuntzak euskaldunentzat daukan balioa aldarrikatzeko. Hasteko, Urko abeslari donostiarraren Lehenengo ikasgaia abestu zuten gonbidatuek. Ondoren, jolasen txanda izan zen: 'Altxorraren bila', 'Burmuin magikoa' eta 'Olentzero margotzen'. Jolasetako partaide guztiek cdak eta gozokiak jaso zituzten sari gisa.

[Olentzero eta Euskal Herriko beste pertsonaia batzuen irudiak margotu zituzten umeek]

Inguru honetan, euskal abizenei eta euskal mitologiari buruzko informazioa eskuratu ahal izan zuten euskal etxera bertaratu ziren lagunek eta horretaz gain, pintxo bat nola egin ere irakatsi zitzaien. Jaia bukatzeko, askaria eskaini zen eta etxeko dantzariek euren koreografietako batzuk aurkeztu zituzten.