euskalkultura.eus

Baiona, Lapurdi. Lapurdiko kostaldetik emititzen duen tokiko telebista da Tvpi eta ohiko seinalez eta bertatik telebistagailuz ikusteko aukeraz aparte, internetez ikusteko aukera ere ematen du, www.tvpi.fr webgunetik hain zuzen. Bere esparrua, informazioen edukiei dagokienean, Ipar Euskal Herri kostaldea eta Landak da, eta emisioak gehienbat frantsesez ematen ditu, nahiz eta euskarari ere egiten dizkion tarteak, besteak beste ETBko programa laburrak emanez. Kolaboratzaileen artean ere baditu euskaraz lan egiten dutenak, hala nola Aldude Telebistakoak, edota gaurkoan aipagai hartu dugun Agustin Errotabehere, kasu honetan Argentinako euskaldunei buruzko erreportaje batekin.

Bi zatitan antolatu du Agustin Errotabeherek Argentinara --'Euskal Argentina' elkarteko partaide-- egin berria duen bidaian bilduriko materiala. Aste honetan, astelehenetik asteazkena bitartean ari da ematen ordu oro lehena. Esan behar da, ordu beteko telebista tartea, bertan ekoitzia, ematen duela toki-telebista honek, eta tarte hori behin eta berriro errepikatzen dela. Beraz, ordu batean galduz geroz, beti ikus daiteke hurrengoan. Ordubeteko tarte horretan minutu gutxiko hainbat zati biltzen dira, eta horietako bat da Argentinako Mar del Platako Euskal Asteari buruz ematen ari dena. Mar del Platako erreportajeak (lehen zatiak) zazpi bat minutu irauten ditu eta ordu oro, ordutik 10 minutu pasatu direnean ikus daiteke, hemen.