euskalkultura.eus

Herrialde osoko eta Uruguaiko dantzariak aritu dira aurten ere Euskal Astearen dantza erakusketa nagusian. Talde berriek eta jardunbide handikoek bat egin zuten La Plata Atenas Klub aretoan kalitate handiko ikuskizuna eskaintzeko. Gure kronikari jarraituz, gaurkoa dantzaldiaren lehenengo zatia

La Plata, Argentina. Jantziak eta abarkak, arku eta makilak, musika tresna eta pistak. Dena zegoen prest 7ak aldera La Platako Atenas Klubean dantza emanaldiarekin hasteko. Iñaki Aramayo aurkezle, etxe anfitrioiko Mariano Azcaratek egin zion harrera publikoari Aurreskuarekin eta horren ondoren hogeita hamar dantza, beste hainbeste talderen eskutik, taularatu ziren. Edade eta estilo guztietakoak, inor ez zen geratu Euskal Asteko dantzalditik kanpo.

(bihar 2014ko Euskal Aste Nazionaleko argazki bilduma berri bat. Argazkiak, EuskalKultura.com, Ioar eta Dani, eta Pilar Alava)