euskalkultura.eus

Resistencia, Argentina. Joan den ostegunean, abuztuaren 11ean, 'Gatazka eta Bake Prozesuak: Ipar Irlandako kasua, segitzeko adibide?' izenpean mintegia eman zuen Maria Eugenia Cruset irakasleak Resistencia, Saltako Unibertsitate Katolikoak bertan daukan egoitzan, Unibertsitatea bera, Chacoko Kotoiaren Lurra Euskal Etxea eta FEVA Euskal-Argentinar erakundeen federazioa partaide.

Hasieran euskal etxeko bazkide eta lagunei zuzendua bazegoen ere, berehala probintziako erkidego akademikoari zabaldu zitzaion eta bertaratutakoen artean profesionalak eta ikasleak ikusi ahal izan ziren, gehienbat legelaritza, nazioarteko harremanak, humanitateak, ikertzaileak eta irakasleak oro har, baita publiko zabal interesatua ere.

Hirurogeita hamar batek parte hartu zuela saioan adierazi dute antolatzaileek, izan ere hizlariari arretaz entzun eta ondoren galderak egin eta iritziak trukatu zituzten pertsonak.