Donostia-San Sebastian. Datorren asteartean da San Inazio, eta San Inazio --edo Diasporan historikoki ospatzen den beste leku batzuetan esaten duten bezala 'Iñaki Deuna'-- munduko hainbat euskal etxetan tradizionalki ospatu izan den festa da, Hego Ameriketan bereziki, baina ez bakarrik. Aurten asteguna denez, euskal etxe batzuk erabaki dute ospakizuna aurreko asteburura ekartzea eta beste batzuk ondokora eramatea. San Inazio ospatuko dute, besteak beste, Estatu Batuetan, Mexikon, Espainian, Australian, Txilen, Brasilen...
Gaurtik aurrera datorren asteburu honetan ospatuko dute, esaterako, Estatu Batuetako Boisen, Mexiko hiriburuko Euskal Etxean, Australiako Stdneyko Gure Txokon edota Argentinako Necochea eta Corpus Christin. Datorrenean, berriz, Buenos Airesko Laurak Bat-en, Txileko Viña-Valparaison eta Santiagon, Brasilgo Sao Paulon eta Argentinako Roldan, Chascomus, Rosario, Comodoro Rivadavia, Arrecifes, Villa Maria, Saladillo, Baradero, Laprida...
Herri hauetako batzuetan, gainera, San Inazio jargiratua daukate azken urteotan euskal etxean, hala nola Saladillon eta Lapridan.
baina leku gehiagotan ere ospatzen da. Zeure euskal etxe edo komunitatearen kasua bada, idatzi info@euskalkultura.com-era eta kontaiguzu.
Lagun bati bidali
Komentarioa gehitu
