euskalkultura.eus

euskal diaspora eta kultura

Albisteak rss

Guillermo Echeniquek Ibarretxeren gobernuak Euskadi herrialde 'kexati' moduan aurkezten zuela dio (audioa)

2010/09/06

Guillermo Echenique, Eusko Jaurlaritzako Kanpo Harremanetarako idazkari nagusia (argazkia EuskalKultura.com)
Guillermo Echenique, Eusko Jaurlaritzako Kanpo Harremanetarako idazkari nagusia (argazkia EuskalKultura.com)

PUBLIZITATEA

Eusko Jaurlaritzako Kanpo Harremanetarako idazkari nagusia den Guillermo Echeniquek adierazi du Euskal Autonomi Erkidegoak bere burua kanpoan herrialde gisa aurkezten segitzen duela dio, baina, ez Ibarretxeren gobernuak egin bezala "herrialde kexati" kokatua "dagoen lekuarekiko eta Espainiarekiko erlazioekiko". Radio Euskadiri eginiko adierazpenetan, Echenique, Lopez lehendakariak hilabete hondarrean Shanghaiko (Txina) Expo-ra egin behar duen bidaiaz mintzatu da, bertan Euskadiren Eguna ospatu behar dela-eta, eta aipatu du osteraren helburua euskal enpresek Txinan daukaten presentzia sendotzea dela.

Bilbo, Bizkaia. Echeniquek azpimarratu duenez, "Euskadi den gisa aurkezten da kanpoan, herrialde gisa; aurreko gobernua, ordea, zeozer gehiago bezala aurkezten zen, Euskadi herrialde 'kexati' gisa aurkezten zuen, minbera, topatzen ez duen zerbaiten bila dabilen herrialdea bailitzen". Echeniqueren aburuz, egungo Eusko Jaurlaritzaren jarrerarekiko "zinezko aldea", Euskadi kanpoan herrialde "indartsu, lehiatsu" gisa aurkeztea da, baina "naturalki dagozkion esparruekiko leialtasunez", e"ta esparru hauek ez dira espainiar esparrua eta europarra baizik", adierazi du.

[Klik egin eta entzun audioa zuzenean (gaztelaniaz)]

Honi dagokionez, zehaztu du Jaurlaritzak gonbidapena luzatu diola Bizkaiko Foru Aldundiari Shanghaiko Exporako bidaian parte har dezan, baina ezezkoa hartu duela.

Euskadiren Kanpoko Ordezkaritzak

Bestalde, Kanpo Harremanetarako idazkari nagusiak ziurtatu du Euskadi "ondo ordezkatuta" dagoela kanpoan eta "printzipioz" ez dela Eusko Jaurlaritzaren Ordezkaritza gehiago zabalduko atzerrian.

"Euskadik ordezkaritza indartsua dauka Bruselan. Aurreikusia zegoen beste bat Parisen, eta Londresen, eta aurrerago aurreikusiak zeuden beste bat Erroman, Helsinkin, eta Berlinen. Geure aburuz, Bruselan ordezkaritza indartsua izatearekin eta Kanpo Harremanetarako Idazkaritza Nagusiaren zerbitzu zentraletik egiten den lanarekin ongi baino hobeto estaltzen da Europar Batasunaren esparrua", amaitu zuen Echeniquek.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia