euskalkultura.eus

Buenos Aires, Argentina. 'Gora Vasco (Milonga de Temple y Carretilla)' dokudrama izango da gaur arratsaldeko lauetan Buenos Aires Hiriko Santa Cruzko Etxeak antolatu duen Zine Ziklo berria estreinatuko duen titulua. Santa Cruz probintziak Argentinako hiriburuan daukan ordezkaritza da erakunde hau (helbidea 25 de Mayo 279) eta ziklo berri bati ekin dio , osorik edo zatiren bat bertan errodatutako filmak bilduz. Zikloko saioak hilabetean behin izango dira eta sarrera librea eta kitorik izango dute.

Euskal gai eta ekoizpeneko ekoizlea, Cesar 'Toti' Arizmendi, propio bidaiatuko da honetarako Buenos Airesera, aurkezpen honetan parte hartzera. Antolatzaileek iragarri dute Cesar 'Toti' Arizmendi ekoizle eta bere anaia Roberto Arizmendi zuzendari dauzkan euskal izenburu honi beste obra ospetsuek emango diotela segida, hala nola Iluminados por el fuego, El Perro, Historias mínimas; La Patagonia rebelde eta Locos por la bandera-k, besteak beste.

Gora Vasco! aipatu bi anaia euskalargentinarrek zuzendu eta ekitzitako dokumentala da. Bizia Argentinan igaro zuen Guillermo Larreguiren --edo 'El Vasco de la Carretilla' gisa ezagungoa zen irusinsemearen-- istorioa kontatzen du. Duela hirurogeita hamar urte baino gehiago, Larreguik Santa Cruz probintziako Comandante Luis Piedra Buena-n hasi zuen bere garaian oihartzun handia lortu zuen ekitaldia: rga bat bultzatuz Buenos Airesera iritsi zen oinez, gisa honetan burutu zituen bere lau bidaietako lehena eginez.

Filmaren emanaldi berri honen karietara, Cesar 'Toti' Arizmendik adieraz du harro dagoela izenburu hau hautatu izanaz Santa Cruz protagonista edo partaide daukaten zine lanen zijlo berri honen estreinaldirako.