euskalkultura.eus

euskal diaspora eta kultura

Albisteak rss

Gaztemundu 2011 programan parte hartzeko deialdia gaur argitaratu da; aurkezteko epea, maiatzaren 19a

2011/04/18

Gaztemundu 2011 programarako deialdia EHAA buletinean
Gaztemundu 2011 programarako deialdia EHAA buletinean

PUBLIZITATEA

Euskal Herriko Agintzaritzaren Aldizkariak (EHAA) gaur argitaratuko du Jaurlaritzaren Kanpoan dauden Euskal Herritar eta Gizataldeentzako Zuzendaritzaren eremupean antolatu ohi den Diasporako gazteentzako Gaztemundu Programaren 2010ko edizioa. Parte hartzaileek 18 eta 30 urte bitartekoak beharko dute izan eta, aurreko urteetan eskatu izan diren ezaugarri eta baldintzez gain, aurtengoan hautagaiek idazlan bat egin beharko dute euskal etxe baten kudeaketa ereduari buruzko azterlan bat, finantzak eta programazio alorrak aipatuz. Aurtengo Gaztemundu urriaren 23tik azaroaren 6a bitartean garatuko da, azken partean Euskal Gizataldeen Mundu Biltzarrarekin batera. Parte hartzeko izena emateko azken eguna 2011eko maiatzaren 19a izango da.

Vitoria-Gasteiz. Euskal Herriko Buletin Ofizialak (EHAA) gaur astelehena apirilaren 18an argitara eman duen testutik, honako datuak bereizi ditugu 2011ko Gaztemundu programari dagokionez. Baldintza osoak eta testua bere osotasunean irakurtzeko, jo hona.

LABURPENA. Datu eta eskakizunak

--Egonaldi edo partaide kopurua. Gaztemundu 2011. Egonaldi kopurua 30ekoa da.

--Bete beharreko baldintzak.

1.- Gutxienez 18 eta 30 urte bitartean edukitzea 2011ko urtarrilaren 1ean.
2.- Bizilekua Euskal Autonomia Erkidegotik kanpo izatea.
3.- Ofizialki aintzatetsi eta Euskal Etxeen Erregistroan inskribaturiko euskal etxe bateko bazkide izatea, deialdia argitaratu baino hiru urte lehenagotik, gutxienez.
4.- Euskal etxe baten kudeaketa ereduari buruzko azterlan bat egina izatea, finantza eta programazio alorrak aipatuz.
5.- Gaztemundu programako egonaldirik inoiz egin gabekoa izatea.

--Eskabideak baloratzeko irizpideak.

1.- Ebaluazio Batzordeak honako irizpide hauek erabiliko ditu aurkeztutako eskabideak baloratzeko:

a) Ikerketa edo azterlanaren balorazioa: 40 puntu gehienez [«Finantza eta programazio alorrak aipatuz, euskal etxe baten kudeaketa ereduari buruzko azterlan» horretan lau arlo hauek izango dira kontuan, bakoitza hamar puntu arte: erredakzioaren kalitatea, informazioa eskuratzeko erabilitako iturriak, inplikazio maila eta bakoitzaren ekarpena]

b) Eskatzaileak zenbateraino hartzen duen parte bere euskal etxeko jardueretan: 35 puntu gehienez [«Eskatzailearen parte hartze maila partaide den euskal etxearen bizitza sozialean». Eskatzaileak euskal etxearen ekintzak antolatzen eta burutzen laguntzen duen eta horietan parte hartzen duen baloratuko da, baita zuzendaritza organoetan parte hartzen duen ere]

c) Euskara jakitea: 15 puntu gehienez [Oinarrizko ezagutza mailari 5 puntu, erdi mailari 10 puntu eta goi mailari 15 puntu emango zaizkio]

d) Euskal Herrian inoiz egon gabekoa izatea: 10 puntu gehienez [10 puntu emango zaizkie Euskal Herria bisitatu ez dutenei]

Hautaketa prozesuan onartzeko, eskabideek 50 puntu lortu beharko dituzte gutxienez.

--Aurkeztu beharreko dokumentuak

a) Pasaportearen edo nortasun agiriaren kopia, adina eta bizilekua egiaztatzeko

b) Euskal etxeak emandako ziurtagiria, eskatzaileak honako baldintza hau betetzen duela egiaztatzen duena: ofizialki aintzatetsi eta Euskal Etxeen Erregistroan inskribaturiko euskal etxe bateko bazkide izatea, deialdia argitaratu baino hiru urte lehenagotik, gutxienez. Euskal etxeak ziurtatu beharko du bere gain hartuko dituela esleipendunak bere betebeharrak ez betetzeak sor ditzakeen gastuak, eta txosten bat erantsi beharko du eskatzaileak etxe horren jardueretan duen parte hartzeaz

c) Finantza eta programazio alorrak aipatuz, euskal etxe baten kudeaketa ereduari buruzko azterlan bat, gehienez ere 10 orrialdekoa

d) Euskara badakiela egiaztatzeko agiria.

Eskatzaileak izenpetu beharko du eskabidea.

--Eskabideak aurkezteko epea. Hilabetekoa izango da, ebazpen hau Euskal Herriko Agintaritzaren Aldizkarian argitaratzen den egunaren biharamunetik aurrera

Lege balioa duen testu bakarra EHAAk argitaratu duena da. Testua osorik hemen kontsulta dezakezu. Pdf bertsioa, hemen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia