euskalkultura.eus

euskal diaspora eta kultura

Albisteak rss

Gaur plazaratuko dute Japonian Bernat Etxepareren Linguae Vasconum Primitiae-ren japonierazko edizioa

2014/11/21

Linguae Vasconum Primitiae-en japonierazko bertsioa
Linguae Vasconum Primitiae-en japonierazko bertsioa

PUBLIZITATEA

Gaur plazaratuko dute Japonian Bernat Etxepareren Linguae Vasconum Primitiae-ren japonierazko edizioa. Japonierazko itzulpena eta edizioaren baitan datozen testu eta iruzkin paratestualak Sho Hagio eta Hiromi Yoshida irakasleek prestatuak dira. Liburuak, Ur Apalategik eginiko aitzin-solasa ere baitaratzen du. Heibonsha argitaletxe ospetsuak plazaratu du eta gaurtik aurrera dago salgai Japoniako liburudendetan.

Tokio, Japonia. Sho Hagio eta Hiromi Yoshida irakasle japoniar euskaldunek itzuli dute Etxeparek 1545ean argitara eman zuen liburua. Lana Heibonsha japoniar argitaletxe historiko ospetsuak eman du argitara eta gaurtik aurrera dago salgai Japonian. Etxepare Euskal Institutuaren sostengua ere izan du.

Linguae Vasconum Primitiae liburuaren edizio hau hiru zatitan banatu dute egileek, irakurle japoniarren aurrean behar bezala atonduta eta azalduta ager zedin. Lehenengoak, Etxepareren testuaren itzulpena bildu du (Sho Hagiok eta Hiromi Yoshidak egina). Horri emendatzen zaio, baina, azalpen paratestuala (Sho Hagioren eskutik), eta azalpen linguistikoa (Hiromi Yoshida egile). Horri gehitu behar zaio Ur Apalategi idazle eta filologo lapurtarrak eginiko hitzaurrea.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia