euskalkultura.eus

Ibarra, Gipuzkoa. Lehiaketaren gaia librea izango da, baina ez da onartuko eduki bortitz, sexista edo arrazista duen komikirik edo intolerantziazko jokabiderik eragin dezakeenik. Pertsonaia guztiak jatorrizkoak eta argitaragabeak izan beharko dute, autoreak berak sortutakoak eta komikia euskara hutsean izango da. Lehiaketan jatorrizko lana aurkeztu behar da, baita ordenagailu bidez sortu edo tratatuak izan diren lanen kasuan. Orri bakoitzeko inpresio bat aurkeztu beharko da, A-4 neurrikoa eta gutxienez 300 ppp-ko kalitatekoa. Lan bakoitzak A-4 neurriko lau orri izango ditu gehienez (edo beste neurri proportzional bat) formatu bertikalean aurkeztu beharko dira. Lanak zuri-beltzean edo koloretan aurkeztu ahal izango dira. 

Saria, 18 urtetik beherakoen kategoriako irabazlearentzat, 400 euro eta argitalpena paperean eta web gunean izango da. Bigarrenak 200 euro jasoko ditu. 18 urtetik gorakoaren irabazleak 600 euro eta argitalpena paperean eta webgunean eta bigarrenarentzat 400 euro. Saririk gabeko autoreentzat: lanak Galtzaundiko webgunean eta aldizkarian kaleratuko dira eta baita Ibarrako Udaletxearen webgunean ere. Egile bakoitzak sari bakarra eskuratu ahal izango du. Lehen saria eskuratzen duenak nahitaez etorri beharko du sariak banatzeko ekitaldira, pisuzko arrazoiren bat ez badu bederen. Epaimahai aditu batek lanik onenak aukeratuko ditu.

Lanak aurkezteko epea azaroaren 26ean bukatzen da. Autorearen izena ez da ikusgai egongo eta gutunazalean aurkeztuko dira lanak, sinadura eta izenik gabe, izenburu batekin. Autorearen datuak (izena, telefono zenbakia, lanbidea, adina eta helbidea) beste gutunazal batean aurkeztuko dira, izenburu berarekin. Bigarren gutun-azal hau lehenengoan sartuko da.

Lanak Galtzaundiko egoitzan aurkeztu ahal izango dira edo postaz helbide honetara bidaliko dira:
Galtzaundi Euskara Taldea
"Ibarra Galtzakomik" komiki lehiaketa
Nafarroa Etorbidea 6 behea
20.400 TOLOSA (Gipuzkoa)