euskalkultura.eus

Buenos Aires, Argentina. Txikiak etorkizuna direla esaten dute hainbat pertsonek. Hala ere, txiki batzuk ez dira etorkizun horren zain gelditzen eta aukera izaten dutenean, dakitena eta maite dutena beste hainbat umerekin konpartitzen dute. Eta hau da Faustino Caneva Anituaren kasua. Telebista Publikoko 'Caja Rodante' umeentzako saioak gonbidaturik, Faustinok Laurak Bat euskal etxea bisita bat egitera eraman zituen ikusleak.

[Faustino Caneva Anitua 'Caja Rodante' umeentzako saioko protagonista izan da joan den urtarrilaren 4an]
[itxaron bideoa jaitsi arte; ez bada jaisten, klik egizu hemen]

Belgrano kalean dagoen tradizio handiko etxean, Euskal Herria non dagoen, ikurriña eta Gernikako arbola zer diren, txistua nola jo, pilotan nola jokatu eta euskal dantzak nolakoak diren azaldu zuen Faustinok. Baina umea ez da bakarrik egon aurkezpen honetan; bere aitona “Pepek”, osaba “Dan-ek”, Nerea irakasleak, gurasoak Arantxa eta Gustavo, eta Ainhoa lagunak lagundu zuten Faustino saioaren protagonista izatera.