euskalkultura.eus

Eusko Jaurlaritzak euskal etxe berri bat onetsi zuen atzo ofizialki Frantzian, Montpellier-en, “Association des basques de Montpellier et sa region-Euskaldunak” izenpean, Gobernuko iturriek dierazi dutenez. Honakoa Jaurlaritzak Frantzian ofizialki onetsitako 5. euskal etxea da, eta munduko 190.a.

Vitoria-Gasteiz. Eusko Jaurlaritzaren Gobernu Kontseiluak euskal etxe berri bat onetsi zuen atzo ofizialki Frantzian, "Association des basques de Montpellier et sa region-Euskaldunak" izenpean, Gobernutik jakinarazi dutenez. Ez da elkarte berria, Euskaldunak-Les Basques de Montpellier izenez 2003ko azaroan sortu baitzuen Montpellier eta inguruko euskaldun talde batek, baina presarik ez dute hartu Jaurlaritzaren aurrean legeztatzen, nahiz eta denbora honetan, jarduera aldetik, aktiboak izan diren hainbat alorretan.

Honakoarekin bost dira Eusko Jaurlaritzaen euskal etxeen erregistroan Frantzian ofizialki onetsirik dauden euskal etxeak, gainerako lauak Parisekoa, Bordelekoa, Pauekoa eta Marseillakoa izanik, azken hau 2015eko abenduan zerrendaratua.

-Eskualdunak-Les Basque de Monpellier-en webgunea: http://www.eskualdunak.fr
-Euskal Etxearen Facebook: https://www.facebook.com/Eskualdunak