euskalkultura.eus

Vitoria-Gasteiz. Joan den maiatzaren 21ean EuskalKultura.com-ek aurreratu bezala, atzo asteartea, maiatzaren 4ean, eman zuen argitara Eusko Jaurlaritzak 2010 urteari dagokion Euskal Etxeaentzako dirugalguntza deialdia. Euskal Etxeentzako eta euren federazio eta konfederazioentzako antolatutako dirulaguntza hauek 1.429.395 euro partituko dituzte aurtengoan, horietarik milioi bat ohiko gastu eta jardueretarako (IV. kapitulua) eta gainerako 429.395 euroak azpiegitura eta ekipamendu gastuetarako (VII. kapitulua).

Deialdi honetara biltzen diren programa eta jarduerak 2010. urtean burutu beharko dira eta abenduaren 31rako amaitu beharko dira. Jardueren alorrean, arreta bereziz dirulagunduko dira gazteria, emakumea, kanpo irudia eta komunikazioa, eta memoria historikoaren berreskurapena aintzat hartzen dituzten egitasmoak.

Aldi berean, Euskal etxeen funtzionamendu eta mantentze gastuak (langileen soldatak, gizarte segurantza, bidaia gastuak, ura, argindarra, berogailua, zergak, aseguruak, alokairuak eta antzekoak) diruz lagundu ahali zango dira baina ehuneko berrogeita hamarreko (% 50) mugarekin.

Azpiegitura eta ekipamendu gastuei dagokienez, hobetsiko dira katastrofeek eragindako kalteak konpontzea, hesi arkitektonikoak kentzea, gazteentzako guneak egokitzea, gazteentzako guneak egokitzea eta gazteen eta emakumeen jarduerak burutzeko teknologiak sartzea helburu duten ekimenak.

Eskabideak aurkezteko azken epea 2010eko ekainaren 4a izango da. Hau guztia laburpena desterik ez da, benetan balio duen informazioa EHAAk argitara emandakoa baita, berau hemen kontsulta daitekeelarik.

-www.euskadi.net/cgi-bin_k54/bopv_20?c&f=20100504&a=201002307