euskalkultura.com

euskal diaspora eta kultura

Albisteak rss

Eusko Basque enpresa pilotazaleak urriaren hasieran amaituko du Filipinetan egiten ari den frontoia

2008/07/15

Pilotari filipinarrak eta euskaldunak Filipinetan jokatutako txapelketa batean (argazkia Eusko Basque)
Pilotari filipinarrak eta euskaldunak Filipinetan jokatutako txapelketa batean (argazkia Eusko Basque)
Filipinetako hiriburuko 'Manila Standard Today' hedabideak berri kezkagarria kaleratu zuen hilaren 10ean. Eusko Basque frontoi bat eraikitzen ari da Santa Ana herrian eta albisteak aipatzen zuenez, lanek atzerapena edukiko lukete ustez gobernu filipinarrak bere lurren zati txiki bat eskatu duelako. Euskal enpresa pilotazaleko Aitor Totorikaguena zuzendariak aipatzen duenez, 'arazo hau ez da oztopo bat guretzat'. Are gehiago, 'frontoiaren eraikuntza epe barruan dago'.

Santa Ana, Filipinak. Hilaren 10ean argitaratutako albisteak pilotako jarraitzaileen artean kezka sortu zuen, baina Aitor Totorikaguenak bere lasaitasuna azaldu dio EuskalKultura.com-i. Baieztatzen duenez, Santa Anako frontoiaren eraikuntza 'epe barruan dago'. Lanek atzerapena jasan dute dagoeneko tifoiengatik, baina arduradunak azpimarratzen duenez, 'iraila amaiera eta urria hasiera artean egongo da amaituta'.

Enpresa pilotazaleko zuzendariak argitzen duenez, Eusko Basquek hiru hektareako lur saila du frontoia eraikitzeko. Arazoa sortu zen ustez gobernu filipinarrak bere zati txikia eskatu zuenean, baina Totorikaguenaren hitzetan, 'arazo hori ez da oztopo izango guretzat'.

Kirol gaiekin zerikusia ez duten alderdiak alde batera utziz, Eusko Basque-ek bere kirol jarduerarekin jarraitzen du. Euskal enpresa urtarriletik dabil Mundu Zirkuitua jokatzen Amerikako pilotalekuetan zehar. Hemendik egun batzuetara beste txapelketa bat hasiko du frantziar estatuan eta Euskal Herrian bertan. Filipinetako frontoiak, gainera, beste torneo baten egoitza bihurtuko dira irailean.


Lotura interesgarriak

Albistea Manila Standard Today hedabidean (ingelesez)
www.manilastandardtoday.com

Master Jai
www.masterjai.com

 



« aurrekoa
hurrengoa »

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia