Roldan, Argentina. Roldango Gizataldeen Jaialdia, Santa Fe probintzian argentinarrean, joan den larunbat-igandean egin zen herriko Geltokiko Pasealekuan. Bertan hamabost stand muntatu zituzten kolektibitateetako ordezkariek, Euskal Etxea tarteko, eskulan azoka batekin batera. Aurreko urteetan ez bezala, Euskel Biotzak 'txoko gastronomiko' bat muntatu eta Euskal Herrian oso ohiko eta preziatuak diren bi plater prestatu zituen: patata tortila eta txistorra. Etxeko lan taldeak, sukaldari talde bihurtuta, lan ederra egin zuen, publiko ugari bilduta.
Roldanen, hala ere, dantza taldea da Euskal Etxearen zutabe nagusia eta euskal dantzariek ez zioten batere huts egin ekitaldian. Euskal Etxearen standaren parean, euskal dantzariek euren trebezia erakutsi zuten, Bok Spok eta Fandangoa bezalako dantzak plazaratuz.
Bestela ere, datorren larunbaterako Ohiko Biltzar Orokorrera deia luzatu dute Roldango Euskal Biotzakoek. Bilera arratsaldeko 7etan hasiko da, bi gai hauek nagusi: 2018ko memoria eta balantzea, eta Zuzendaritza Batzordeko zati bat berritzea.
[Euskel Biotzako sukaldariak lan eta lan. Argazki gehiago, hemen]
Lagun bati bidali
Komentarioa gehitu
