euskalkultura.eus

Donostia-San Sebastián. EuskalKultura.com-ek irakurleentzako zozketa berezia antolatu du: saria Editorial para Dummies argitaletxeak berriki plazaratu duen "Euskera para Dummies" liburuaren bost ale izango dira. Liburua gaztelania mintzatzen duten erdaldunentzat pentsatuta dago eta oinarrizko euskara ikasteko gida azkarra eta arina da. Irakurtzeko erraza eta dibertigarria da, eta irakurleek eguneroko elkarrizketetan moldatzeko lain ikasiko dute.

Liburua erabilgarria izan daiteke Euskal Herrira etorri nahi duten turistentzat zein bertan bizi eta sekula euskara ikasi ez dutenentzat. Eta nola ez, oso baliagarria izango da ere Diasporatik arbasoen hizkuntza hobeto ezagutu eta pixka bat hitz egin nahi duten euskaldunen ondorengoentzat.

Liburua "Basque pour les Nuls" gidaren itzulpena da. Frantzian argitaratu zen eta Jean Baptiste Coyosek eta Jasone Salaberriak idatzi zuten.

Zozketan parte hartzeko zure lagun baten buletinerako harpidetza egin beharko duzu, haren oniritzia jaso ondoren jakina. Hemen harpidetu beharko duzu.

Eta ondoren email bat bidali info@euskalkultura.com helbidera, honakoak bilduz:

-Harpidetu nahi duzun pertsonaren datuak [(izen-deiturak) eta emaila] eta bere posta helbide arrunta
-Zure izen-abizenak eta emaila, eta baita posta arrunteko helbidea ere, irabazle suertatzen bazara/bazarete liburua bidali ahal izateko

Lau ale zozketatuko dira (bi uztailaren 31ean eta beste bi irailaren 5ean) eta zure zenbakia ateratzen bada garaile, zuk eta zure lagunak, liburu bana jasoko duzue doan etxean, adierazitako helbideetan, EuskalKultura.com-ek eta Editorial para Dummies argitaletxeak egindako tratuari esker. Bosgarren ale bat, irailaren 5eko zozketan irabazle suertatzen denak erabakitako euskal etxeko liburutegira joan da.

Lehenengo Zozketa uztailaren 31ean adieraziko da (gogoratu, urtero legez, abuztuan buletinik ez deloa argitaratuko). Bigarren zozketa irailaren 5ean izango da, asteazkena. Izena emateko epea egun horietako bakoitzaren bezpera izango da, baina nahi adina email bidali ahal izango duzu. Email helbide bakoitzeko harpidedun bakarra onartuko da.

Zozketarako zenbaki bana lotuko duzu harpidetzen duzun pertsona berri bakoitzeko. Email bakoitzean harpidedun berri bakarraren datuak ipiniko dira eta zozketarako zenbaki bakarra lortzeko.