euskalkultura.eus

Bogotá, Kolonbia. Gutxienez hogeita hamazazpi herrialde Europa, Asia, Afrika eta Ameriketakoak bildu dira Bogotára joan den ekainean, euren tradizio eta kultura molde esanguratsu eta adierazgarrienak agertzeko aipatu hiriak eratu duen lehenengo 'Bogota Nazioarteko Kultur Ikuskizun Azoka'ren baitan. Hilabete osoan zehar hiriburu kolonbiarreko hainbat gune kultur ikuskizun eta gertakari programa aberats baten agertoki bilakatu dira, hitzaldietatik hasiz, esaterako ingurumenaz, ekonomiaz eta historiaz, artesania edo Indiako jainkoen eskultura erakusketetaraino, tartean Iran, Uruguai, Kanada, Errumania eta Errusiako izkiribu eta testu historikoen exhibizioetatik pasatuz edota Turkia, Grezia edota Kuba bezalako herrialdeetako filmeen emanaldietatik.

 ['Bogota Nazioarteko Kultur Ikuskizun Azoka'ren irekiera ekitaldia, hiriko alkatea eta ordezkari diplomatiko, kultural eta ekonomikoak bertan]

['Munduko umeak' talde euskal-kolonbiarreko kideak prest kantatu eta dantzatzeko] 

Yuri Chillan Reyes, Alkatetza Behineneko (Alcaldía Mayor) idazkari nagusiak, garrantzitsutzat jo zuen "37 herrialde hilabetez biltzea euren kultura, literatura eta ohiturak elkarri ezagutarazteko" eta egitate hau "Bogotá munduarekiko daraman irekidurako" parte dela esan zuen, "hiriak helburu honi tinko eutsi baitio bere Nazioarteko Harremanetarako Zuzendaritza tarteko". Azokaren protokolozko inaugurazioa ekainaren 3an egin zen, Samuel Moreno Rojas alkatea buru, hiriburu kolonbiarrean agiridun den diplomatiko taldea partaide.

Kulturak kulturen artean

Irekiera ikuskizunak ostiralerarte heldu ziren, kultur agerpenen artean jazz ere (Suitzako Natalia Gampert-en eskutik) egon zelarik, mariatxi bat (Mexikoko enbaxadak igorria), 'Munduko Umeak' euskal-kolonbiar taldea, Peruko folklorea eta Turkia, Grezia, Brasil, Txina eta Uruguaiko musika taldeak, besteak beste, eta baita ere Egiptoko dantzak eta Kubako runba.

[Euskal emanaldiko detailea, ikurriña euskal ordezkaritzako buru]

[Bogotako Euskal Etxeak Euskal Kulturaren ordezkari ipinitako standa]

Azokak iraun duen bitartean Kolonbiako Euskal Etxea Fundazioak propio ipini duen standera hurbildu zaizkion guztiei zabaldu dizkie euskal kulturaren ateak, ahozko zein informazio idatzia emanez eta baita ere Euskal Herriari buruzko Argazki Erakusketaren bidean eta bestelako emanaldi artistikoen bidean ipiniz. Bertako neska-mutikoz osatutako 'Munduko Umeak' abesbatzaren emanaldia txaletua izan zen oso. Euskal Etxeak oso balioespen baikorra egin du Azokako euskal partaidetzaz.