euskalkultura.com

euskal diaspora eta kultura

Albisteak rss

Euskalduna Irakurle Klubak Gabriel Arestiren 'Harri eta Herri' edizio elebidunean kaleratu du Argentinan

2010/03/24

Euskalduna Irakurle Klubak argitaratutako Gabriel Arestiren 'Harri eta herri' edizio elebidunaren azala
Euskalduna Irakurle Klubak argitaratutako Gabriel Arestiren 'Harri eta herri' edizio elebidunaren azala
Gabriel Arestiren Harri eta Herri, jarriko du laster guztion eskuetan Euskalduna Irakurle Klubak, Argentinan argitaratzen duen bosgarren liburua. 2010eko lehenengo izenburua duen honekin, poesia bilduma inauguratzen ari da Kluba. Gogora dezagun orain arte eta 2009an zehar, narratiba arloko bi testu argitaratu dituela gaztelaniara itzulita --Joan Mari Irigoienen 'Babilonia' eta Arantxa Urretabizkaiaren 'Koaderno Gorria' hain zuzen-- eta beste bi, saiakeraren arloan --Joxemiel Barandiaranen 'Mitología Vasca' eta Xabier Peñalverren 'Orígenes' --. Orain euskal literatura garaikidean funtsezko liburua den 'Harri eta Herri'rekin datorkigu, klubeko kideek euskal poesia gaztelaniaz zein euskaraz irakurri ahal izango dutelarik, edizioa elebiduna baita. Azpimarratzekoa da 'Harri eta Herri' liburuaren azalak Eduardo Chillidaren grabatu eder bat dakarrela.

PUBLIZITATEA

Buenos Aires, Argentina. Gabriel Aresti Segurolak (Bilbo, 1933-1975) bi urte lehenago saria lortuta eman zuen argitara 1964ean 'Harri eta Herri' poema liburua. Harri eta Herri izenburu handia da euskal poesiaren historian, eta obrarik esanguratsuena du Bilboko giro erdaldunetan euskara ikastea eta euskaldun bihurtzea lortu zuen bilbotar honek. Hizkuntza menperatu eta antzerkian, baina batez ere poesian mugarri izan zen bere lana. 

“Arestik gizarteko errealitate gordina ikusi ahal izan zuen garai hartan, eta industrializazio basatiak, txirotasunak eta langile-klasearen esplotazioak aldarrikapenaren aldeko poesia idaztera bultzatu zuten. Pairatu zuen bihozmin hori irakurri ahal da 'Harri eta Herri'-ren orrietan”, azaltzen du Norma Etcheverry idazleak.

Gabriel Aresti idazle handia izan zen euskaraz eta euskal poesia eraberritu eta irauli zuen, garai eta bolada haietan bestalde, oraindik euskaldunberrien figura ugaldua ez zegoenean eta askok, euskara soilik etxean eta familian ikasten zutenek menpera zezaketela pentsatzea nagusi zen orduko giroan.

Orain, Euskalduna Irakurle Klubaren eskutik heldu da Argentinara 'Harri eta herri', Aresti berak prestatutako edizio elebidunean. Klubaren bosgarren liburua da eta euskal literatura maite dutenen bibliotekan nahitaezkoa den izenburu honekin. Edizio honek, gainera, Eduardo Chillidaren grabatu eder bat dakar azalean.

Lotura interesgarriak

Euskalduna Irakurle Kluba
www.euskalduna.com.ar

Nire aitaren etxea eta Arestiren beste poema batzuk
www.basquepoetry.net/poemak/0260.htm

 



« aurrekoa
hurrengoa »

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia