euskalkultura.eus

euskal diaspora eta kultura

Albisteak rss

Euskal tradizioak AEBetan: Santa Ageda koplak kantatuko dituzte astelehenean Boiseko kaleetan

2014/01/30

Santa Agedako entsaio edo errepika 2013an Boiseko Euskal Museoan, Itxaso Cayero euskara irakasle eta egungo NABO euskara koordinatzailea zuzendari (argazkia EuskalKultura.com)
Santa Agedako entsaio edo errepika 2013an Boiseko Euskal Museoan, Itxaso Cayero euskara irakasle eta egungo NABO euskara koordinatzailea zuzendari (argazkia EuskalKultura.com)

PUBLIZITATEA

Urtero bezala, Europako Euskal Herrian ezezik, Santa Agedako euskal ohiturak Boisen ere gauzatuko dira datorren astelehenean, makilen hotsak lurraren kontra jotzeak eragiten duen kantu eta elkarretaratze festaren magiak hitzordu berezi honetan partaide diren haur eta helduen ilusioa berriz ere harrapatzen duenean. Festa berezia da Boisen ere, eta azken urteotan urtero gertatzen da Basque Block-eko Euskal Museoan, kanpoan Grove kalean eta bertako Leku Ona jatetxean, eta egun batzuk geroago errepikatzen da Boiseko Ikastolan.

Boise, Estatu Batuak. Deialdiak kontutan hartzen ditu euskara ikasten ari den Boiseko ikasleak, baina berez publiko orokorrari zabaltzen zaion deia da. Izan ere, edonork har dezake parte eta bertan ematen zaizkio Santa Agedako koplen hitzak, entsaio txiki batzuk eginez karrikaratu aurretik. Ekitaldi sinpatikoa da, parte-hartzailea oso eta giro on berezia isurtzen du tenore horretan bertatik igarotzen direnen artean. Deialdia datorren astelehenerako egin da, gaueko 7etan, Euskal Museoan.

Partaideen artean, ikasle gazte eta zaharrak, norbanakoak eta familiak ere, guztiak kantatzeko eta lurra astintzeko prest, jendetza handirik ez, gero eta partaide gehiago biltzen duen deialdi boisetarrean.

Astelehenean egingo den saioaz gain, bigarren aukera ere badago astelehenekoa galtzen dutenentzat. Hau ez da kalean, ordea, eta bere ezaugarriak partikularrak dira. Boiseko Ikastolak antolatzen du, eta bertako haurrak dira partaide. Kasu honetan deialdia ostegunean da, goizeko 10:30ak aldean Ikastolaren egoitzan (1915 University Drive, Boise ID).

-Santa Agedako propaganda orria
-Albistea NABOren Astero astekarian
-Boiseko Euskal Museoa
-Boiseko Leku Ona jatetxea
-Boiseko ikastola



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia