euskalkultura.eus

Donostia-San Sebastián. Etxepare Euskal Institutuarekin lankidetzan, euskal kulturari buruzko liburu sorta zozketatuko dugu datorren azaroaren 5ean gure irakurleen artean. Etxeparek hiru hizkuntzatan argitaratu ditu liburuok --euskaraz, gaztelaniaz eta ingelesez-- eta Diasporako irakurle gehienentzat egokiak izan daitezke.

Liburuotan euskal kulturaren alor desberdinetan sakontzen da, beti ere estilo erakargarriarekin. Ale bakoitzak euskal kulturaren alor bat jorratzen du, oinarrizko jakin beharrekoak emanez: literatura, zinea, bertsolaritza, dantza, gastronomia, historia, kantagintza edo artea, besteak beste. 

Astelehena arte

Zozketan parte hartzeko epea datorren astelehenean, azaroaren 5ean itxiko da (23:59tan, Euskal Herriko ordua). Izena eman nahi baduzu, bidali mezu bat info@euskalkultura.com helbide elektronikora. Mezuaren gaian ZOZKETA jarri behar da eta testuan irakurleak izen-abizenak, telefonoa eta helbidea argi ipini behar ditu (liburuak bidaltzerakoan arazorik egon ez dadin).

Hauek dira bilduma osatzen duten liburuak (estekaren bidez liburua PDF formatoan ikusmira daiteke): 

01. Euskararen historia laburra (Ivan Igartua eta Xabier Zabaltza)
02. XX. Mendeko euskal literatura (Estibalitz Ezkerra)
03. Euskal Musika klasikoa (Karlos Sanchez Ekiza)
04. Euskal kantagintza: pop, rock, folk (Jon Eskisabel)
05. Estanpa bilduma (Ikusizko Arteak) (Miren Jaio)
06. Euskal zinema (Joxean Fernandez)
07. Arkitektura eta diseinua (Pello Agirre) (argitaratzeke)
08. Euskal dantza (Oier Araolaza)
09. Bertsolaritza (Joxerra Garzia)
10. Tradizioak (Joseba Zulaika)
11. Euskal sukaldaritzaz (Hasier Etxeberria)