euskalkultura.eus

euskal diaspora eta kultura

Albisteak rss

Euskal Herriko hirietako kale eta txokoak ezagutzeko mugikorretarako aplikazioa egin du Euskomediak

2012/06/14

Donostia ezagutzen KulturMapp-en laguntzarekin: Igeldo gaur egun eta irudi zahar batean (argazkia EuskoMedia)
Donostia ezagutzen KulturMapp-en laguntzarekin: Igeldo gaur egun eta irudi zahar batean (argazkia EuskoMedia)

PUBLIZITATEA

KulturMapp izena du aplikazioak, doakoa da, eta momentuz Android sistemarako bertsioa bakarrik badago ere, aurki aurkeztuko da iPhone mugikorretarako bertsioa. Aplikazio honen bitartez telefono erabiltzaileek Euskal Herriko hiri eta kaleen mapa izateaz gain, bertan agertzen diren txokoetako historia eta kultur ondareari buruzko informazioa izango dute. KulturMapp-ek Euskal Herri osoko 175 interes gune baino gehiago biltzen ditu, eta 400 irudi inguru eskaintzen ditu.

Donostia-San Sebastián. Euskomedia Fundazioak smartphone telefonoetarako KulturMapp aplikazioa sortu du eta sarean jarri du eskuragarri, doan, Euskal Herriko bazterrak eta historia ezagutu nahi duen ororentzat. Aplikazioak mapa birtuala eskaintzen du, baina teknologia berriei esker mapa batek baino askoz gehiago ere: klik bat eginez erabiltzaileak hirietako zein herrietako kultura, ondare edota turismo edukien gaineko informazioa eskuratzen du modu arin eta erosoan.

Une honetan Euskal Herri osoko 175 interes gune baino gehiago biltzen ditu, eta 400 irudi inguru eskaintzen ditu. KulturMapp-en bidez erabiltzaileek honako informazioa jaso ahal dute:

-Inguruko monumentu, eraikin, pertsonai ezagun zein gertakari historikoei buruzko informazioa. 
-Tokiaren eboluzio historikoa, argazki zaharren bidez.
-Testu edo ahots bidezko bilaketa.
-Audio gidak.

Euskaraz eta gaztelaniaz dago momentuz eskuragarri KulturMapp, baina aurki ingelesezko eta frantsezko bertsioak ere plazaratuko dira. Gida oso erabilgarria da Euskal Herria bisitatzen ari direnentzat, izan ere, euskarriak eskaintzen duen geokokatze zerbitzuak hiri eta herri bakoitzean egon daitezken kultur-guneak identifikatu eta mapetan kokatzen ditu.

Aplikazioa jaisteko nahikoa da mugikorrarekin KulturMapp izena bilatzea internet-en eta deskargatzea.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia