euskalkultura.eus

Buenos Aires, Argentina. Euskal etxeko barne komunitatea eta oro har Buenos Aires hiriko lagun guztiak daude gonbidatuta apirilean Laurak Bat euskal etxean gauzatuko diren ekintzetara, programan, dudarik gabe, Aberri Eguna eta Gernikako Bonbardaketaren 75. urtemuga direlarik oihartzun zabalena izango dutenak. Apirilean ere erakundeko Ohiko eta Ezohiko Bilkura Nagusiak burutuko dira, euskara klaseak hasi, eta Itziar Aguirre sukaldariak aurrera daraman ‘Pilpileando’ programarekin batera, eskolako materiala bilduko da. Hona programa:

-Apirilaren 21era arte: eskolako material bilketa solidarioa
-Apirilaren lehenengo astean: euskara eskolen hasiera
-Apirilaren 13an, elkarte barruko Mus lehiaketa Txapelketa nazionalari begira.
-Apirilaren 14an, iluntzeko 8:30etan, “Zergatik kontatzen dugun galdetuko duzu” narrazio ikuskizuna
-Apirilaren 14an, gaueko 9:30etan, Aberri Eguneko afaria eta dantza ikuskizuna
-Apirilaren 21ean, arratsaldeko 6:00etan, omenaldia Gernikako herriari, Laurak Bat euskal etxe barneko kimuaren ondoan
-Apirilaren 21ean, iluntzeko 7:00etan, elkartearen Ohiko eta Ezohiko Bilkura Nagusiak
-Apirilaren 22an, arratsaldeko 4:30etan, Gernikari buruzko zinea, Recoletako Kultur Gunean, Junin kaleko 1930. zenbakian
-Apirilaren 26an, goizeko 11:30etan, Laurak Bat euskal etxea ezagutzeko bisitaldi gidatua. “Gernikako kimua, Buenos Aires hiriko lagunei irekia” izenpean burutuko den ekintza hau hiriburuko Udaleko “Buenos Airesko auzoek euren ateak irekitzen dituzte” programaren baitan gauzatuko da
-Apirilaren 26an, iluntzeko 19:00etan, “Gernika: egia, justizia eta bakeari buruzko mahai-ingurua”. Koordinatzailea: Iñaki Anitua Laurak Bateko kidea. Partaideak: Madres de Plaza de Mayo elkarteko sortzaile eta kidea den Nora Cortiñas, Unibertsitateko Zigor Zuzenbide departamentuko zuzendaria den Lucila Larrandart, Ricardo Rabinovich Berkman Zuzenbide Historia irakaslea eta Raul Zaffaroni Zigor Zuzenbide irakaslea

-Xehetasun gehiago erakundearen idazkaritzan, secretaria@laurakbat.com.ar