euskalkultura.com

euskal diaspora eta kultura

Albisteak rss

Euskal erbestea eta 1936-46 tartea aztergai aste honetan Renoko Euskal Ikasketa Zentroaren IX. Hitzaldian

2010/04/13

IX. Hitzaldi hau iragartzen duen afixa
IX. Hitzaldi hau iragartzen duen afixa
1936-46ko euskal erbestea, gerla denbora, justizia eta eguneroko bizimodua aztertuko ditu datorren ostegun eta ostiralean Estatu Batuetan, Nevada-Renoko Unibertsitateko Euskal Ikasketa Zentroak (CBS) Renon egingo duen IX. Hitzaldian. Europako eta Estatu Batuetako hamabost bat aditu partaide, bi eguneko hitzordu akademiko hau CBSko aurtengo 'Douglass Distinguished Scholar' den --eta beraz aurten Renon ikerle/irakasle ari den-- Santiago de Pablo EHUko euskal historialaria eta Sandra Ott CBSko zuzendarikide eta Ipar Euskal Herriko historia garaikidean aditu dena koordinatzaile gauzatuko da. Emaitzekin liburua emango du argitara Renoko CBSek eta Estatu Batuetako bostehun bat unibertsitate eta zentro akademikotan banatuko.

PUBLIZITATEA

Reno, Estatu Batuak. Nevada-Reno Unibertsitateko Center for Basque Studies (CBS) edo Euskal Ikasketa Zentroaren IX. Urteroko Hitzaldia apirilaren 15 eta 16an gauzatuko da aurten, Unibertsitateako Mathewson-IGT Knowledge Center delakoan, CBSren egoitza den 3. solairuko hitzaldi aretoan. Bertara 1936-46 garaiko Euskal Herrian, euskal erbestean, gerla, justizia eta eguneroko bizimodu gaietan adituak diren adituak bilduko dira, eta tarte horretako beste herrialde eta leku batzuekiko alderatzeak eta esperientziak hartuko dira kontutan. Izan ere, euskal eta estatubatuar adituez gain, Erresuma Batua, Frantzia eta Alemaniako partaidetza eta ekarpenak aztertuko dira Renon.

Azalduko diren gaien artean, jende mugimenduak eta migrazioa gerla garaian, gerla garaia eta nazionalismoa, gerla propaganda eta iritzi publikoa, genero harremanak gerla garaian eta bizitza familiarra, justizia eta gerlaondoko auzietako ebazpen prozesuak, edota bonbardaketa militarren inpaktua bizitza zibilean aipa daitezke.

Ikertzaileek Euskal Herriaren Espainiako gerla zibilarekiko oroimen kolektiboaren gaia landuko dute, baita Bigarren Mundu Gerlarekikoa, Euskal Herri Hego eta Iparraldean. Bilkuraren egitarau osoa, hemen topa daiteke.

Hitzaldiko partaide izango dira, besteak beste:

-Peter Anderson (London School of Economics)
-Andre Bergerson Stuart (Universidad de Missouri en Kansas City)
-Brett Bowles (State University of New York)
-Santiago de Pablo (University of Nevada, Reno)
-Sarah Fishman (University of Houston)
-Shannon Fogg (Missouri University of Science & Tecnology)
-Xabier Irujo (University of Nevada, Reno)
-Simon Kitson (University of London Institute in Paris)
-Virginia Lopez de Maturana (University of the Basque Country)
-Ludger Mees (University of the Basque Country)
-Mari Jose Olaziregi (University of the Basque Country-UNR)
-Sandra Ott (University of Nevada, Reno)
-Guillaume Piketty (Center for History Sciences Po Paris)
-Joan Ramon Resina (Stanford University)
-Scott Soo (University of Southampton)
-Richard Vinen (King's College, London)

-Hitzaldiaren webgunea, hemen.



« aurrekoa
hurrengoa »

Erlazionatutakoak

Irakurrienak

Azken komentarioak

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia