euskalkultura.com

euskal diaspora eta kultura

Albisteak rss

Euskadiren Kolonbiako ordezkaria, Iñaki Martinez, Antioquiako Luis Ramos gobernadorearekin bildu da

2010/06/28

Euskadiren Kolonbiarako ordezkaria, Iñaki Martinez, Antioquiako gobernadore Luis Alfredo Ramos eta Nekazaritza idazkari Edgar Arrublarekin.
Euskadiren Kolonbiarako ordezkaria, Iñaki Martinez, Antioquiako gobernadore Luis Alfredo Ramos eta Nekazaritza idazkari Edgar Arrublarekin.
Euskadiren Kolonbia, Venezuela eta Ertamerikarako ordezkaria, Iñaki Martinez, Antioquia departamendu kolonbiarreko gobernadore Luis Alfredo Ramosekin eta Nekazaritza idazkari Edgar Arrublarekin bildu zen joan den astelehenean, ekainaren 21ean, Medellinen, ikuspuntuak trukatzea eta Euskadiko eta Kolonbiako eskualde horretako enpresek gara ditzaketen ekimen posibleak aipatzea helburu zuen elkarretaratzean; zehatzago esateko, itsasoarekin eta arrantza munduarekin zerikusia zeukaten gaiak aipatu zituen, hain zuzen.

PUBLIZITATEA

Bogotá, Kolonbia. Euskadiren bertako ordezkaritzak zabaldutako ohar batean azaltzen duenez, bisitaren baitan ikerlan bat aurkeztu zion Martinez euskal ordezkariak Ramos gobernadoreari, osorik Euskal Herriko enpresa untzigile batzuek egina, Urabá Golkoan arrantza untzidi bat garatzeko. Bertan aipatzen direnak "interes handikoa izan daiteke arrantza aldetik aberastasun handikoa den eta aldi berean garapen behar handia duen Kolonbiako eskualde honentzat", Jaurlaritzaren ordezkariaren esanetan.

Egiketakotan, proiektuak 25 arrantza untzi egitea esan nahi izango luke, 150 lanpostu zuzen sortzea, eta beste 600 zeharkakoak. Euskal aldearen esanetan, Antioquiako buruzagiek interes handiz jaso zuten ikerlana. Izan ere, Corporación Andina de Fomento (CAF) delako organu multilateralari --Espainia eta Kolonbia bertako parte dira-- pasatzeko beharra ikusi zen, amaitzen da oharra.



« aurrekoa
hurrengoa »

Erlazionatutakoak

Irakurrienak

Azken komentarioak

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia