euskalkultura.eus

euskal diaspora eta kultura

Albisteak rss

Euskadiko muslariek irabazi dute Angelun bukatu berria den Munduko Euskal Gizataldeen 34. Txapelketa

2011/10/17

Antonio Vicente eta Angel Ribero, Euskadi 1 taldeko muslariak, izan ziren 34. Txapelketa honetako irabazleak (argazkia Kepa Etchandy/Ibaifoto.com)
Antonio Vicente eta Angel Ribero, Euskadi 1 taldeko muslariak, izan ziren 34. Txapelketa honetako irabazleak (argazkia Kepa Etchandy/Ibaifoto.com)

PUBLIZITATEA

Larunbatean bukatu zen ofizialki Angelun jokatu berria den Munduko Euskal Gizataldeen 34. Mus Txapelketa, sari banaketa eta itxiera saioarekin. Aurtengo edizioko irabazleak Euskadi 1 taldeko muslariak izan ziren, Antonio Vicente eta Angel Ribero, eta, beraz, iaz Los Angelesen irabazi zuten txapela beste urte betez mantenduko dute. Bigarren lekuan Frantziako ordezkari Julien Amestoy eta Fabrice Etchart sailkatu ziren.

Angelu, Lapurdi. Asteburuan bukatu da Munduko Euskal Gizataldeen Mus Txapelketaren 34. edizioa, astean zehar Angelun jokoan izan dena. Hamar herrialdeetako ordezkariak aritu dira lehian -- Argentina, Australia, Kanada, Espainia, Estatu Batuak, Euskadi, Mexiko, Peru, Txile, Uruguai eta Venezuela-- orotara hamabi talde. Frantziak bi talde zituen antolatzaileak izateagatik eta Euskadik beste hainbeste iazko txapeldunak zirelako.

Ostiralean jokatu ziren azken partidak eta iazko txapeldunak atera ziren aurten ere garaile: Angel Ribero eta Antonio Vicente, Euskadi 1 taldea, alegia.  Txapeldunorde Frantziako Julien Amestoy eta Fabrice Etchart izan ziren. Hirugarren postua Mexikoko Miguel Mendiburu eta Justo Gutierrezentzako izan zen. Sailkapen osoa, hemen.

Txapelketaren argazki kronika sareratu du Kepa Etchandy argazkilariak www.ibaifoto.com webgunean.

Txapelketaren webgunea, hemen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia