euskalkultura.eus

euskal diaspora eta kultura

Albisteak rss

Errazuriz kardinala buru ospatu zen igandean Txileko Santiagon Xabierko Frantziskoren eguna

2010/12/09

Errazuriz kardinala joan den igandean San Frantzisko Xabierkoa eta Nafarroaren Eguna ospatzeko Santiagon egindako ekitaldietan (argazkia Txileko NE)
Errazuriz kardinala joan den igandean San Frantzisko Xabierkoa eta Nafarroaren Eguna ospatzeko Santiagon egindako ekitaldietan (argazkia Txileko NE)

PUBLIZITATEA

Santiagoko kardinal artzapezpiku Francisco Javier Errazuriz Ossa buru egin zen joan den igandean hiriburu txiletarrean santu euskaldunaren eguna eta Nafarroaren eguna ospatzeko antolatutako ekitaldiei hasiera ematen zien meza. Ohi bezala, ekitaldiak Las Condesko Estadio Españolean gauzatu ziren, eta bildutakoek Nafar Etxekop dantzari txikiek egun honetan egiten zuten debuta ikusteko aukera izan zuten. Iragarrita bazegoen ere, Sanz presidenteak ezin izan zuen bertara bildu, aire kontrolatzaile espainiarren grebak lurrean utzi baitzuen, bidaia bertan behera utzi beharrean.

Txileko Santiago. Atseginez eta ilusioz gonbidatu zuten pertsonalki berari eginiko bisitan Txileko Nafarroako Etxeko zuzendariek Errazuriz kardinala, XVIII. mendean Arantza herri nafarretik Txilera pasaturik hemen ugaldu zen familia bateko kidea bera, kasu honetan euskalduna aitaren partez (Errazuriz) zein amarenez (Ossa). Berez Xabierko Frantziskoren eguna osteguna suertatu bazen ere, ospakizunak igandera ekarri ziren, besteak beste Nafarroatik Sanz presidentea buru etorri behar zuen ordezkaritzak 3an Nafarroako ekitaldietan parte hartu ahal izan zezan, eta baita bi egun beranduago Txilekoetan, nahiz eta azkeneko hau hondarrean ez zen honela irten.

Eguna hamaiketan hasi zen, Las Condesko Estadio Españolean, ohi bezala mezarekin, kasu honetan Errazuriz kardinalak emana. Mezaren ostean euren debuta festa honetan egin zuten Santiagoko Nafar Etxeko dantzari txikiek. Kardinalak egun seinalatu honetan partaide izatea eskertzen zion San Frantzisko Xabierren brontzezko irudi bat jaso zuen opari.

Agustin Otondo eta Miguel Sanzen gutuna

Iragarritako egitarauari dagokionez, ezin izan zen egin egitarauak markatzen zuen omenaldia, Agustin Otondo Dufurrenari, izan ere duela aste batzuk Nafarroako Gobernuak eman zion Karlos IIIren Gurutzea ipini behar baitzion pertsonalki Miguel Sanz presidenteak. Aire kontrolatzaile espainiarren grebak galerazi zuen Sanzen etorrrera, beraz beste aukera egoki baterako utzi zeremonia hori.

Otondo erretzuarrari buruz mintzatu ziren, ordea, hitza hartu zuten autoritate eta agintariek, hala nola Juana Maria Diharasarri Nafar Etxeko lehendakariak eta Antonio Martinez Nafarroako Gobernuko Protokolo Zerbitzuko zuzendariak, baita ere Juan Ignacio Maiza Estadio Españoleko presidenteak, Victor Fagilde Txilerako kontsul orokor espainiarrak eta Nabor Garcia, Txileko Espainiako Enbaxadako negozio arduradunak. Bat egin zuten Sanz presidentea bertan ez egotea sentitzen zutela esaterakoan, baita ere Agustin Otondo laudatu eta hari emandako errekonozimendua onesterakoan Txileko Nafarroako Etxeak hogei urte bete dituen honetan.

Dena den, Nafarroako presidentearen izenean Antonio Martinez mintzatu zen, harek bidalitako gutun bat irakurriz, esanez, besteak beste, "nahi nuen zuekin ospatu Nafarroaren Eguna eta San Frantzisko Xabierren festa, eta Nafarroako Gobernuak emandako Karlos III.aren Gurutzea ipini merezimendu osoz nire lagun kuttuna den Agustin Otondo Dufurrena Txileko Nafar Etxearen fundatzaile eta lehenengo presidente izan zenari, genealogista eta heraldista trebea bera, baina ezin izan da", aitortu zuen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia