euskalkultura.eus

Buenos Aires, Argentina. Oharrak jakinarazten duenez, Kortajarenak, Zuzendaritza Batzordeko kideez inguraturik, gehienak gazte dantzari ohiak, Lomas de Zamorako Denak Bat euskal etxeko instalazioak bisitatu zituen. Bertan aspaldiko frontoia, areto handi bat, liburutegia eta ekintza ezberdinetarako gela ikusi zituen. Euskal etxeak jatetxea ireki zuen orain dela bi urte eta honen alokairuari esker proiektu berriei ekin ahal izan die, esanez segitzen du idazkiak, Begoña Lentini Ordoqui, euskal etxeko lehendakariak, dantzariei eta batez ere Txiki taldeari bultzada handia eman diela emendatuz.

Behin Magdalenako hirian, Ordezkariak bertako Ongi Etorri Euskal Etxearen obra-lanaren aurrerapena baieztatu ahal izan zuen. Udalerriak emandako orube batean, euskal etxea, poliki-poliki, lokalak behar dituen konponketak bukatzen ahalegintzen da. Euskal elkarteak neska-mutilei dantzak erakustea du jarduera nagusia, urteroko Txorizo eta Odolki Festarekin batera, non hiriko harakin guztiek parte hartzen duten, bukatzen da oharra.