euskalkultura.eus

euskal diaspora eta kultura

Albisteak rss

Eduki berriak bildu ditu Eresbilen webguneak, euskal musika ondarea zabaltzeko bere lana indartuz

2009/09/24

Eresbileko zuzendaria, Jon Bagüés, iaz hitzaldi bat eman zuenean Buenos Airesko Eusketxen (argazkia EuskalKultura.com)
Eresbileko zuzendaria, Jon Bagüés, iaz hitzaldi bat eman zuenean Buenos Airesko Eusketxen (argazkia EuskalKultura.com)

PUBLIZITATEA

Musikaren Euskal Artxibo Nazionala da egoitza Errenterian duen Eresbil, eta bertatik adierazi berria denez, orain arte sarean zeukan lehioa indartu egin du eta atal bereiziak sortu ditu musikariei eta musikei buruz, lehenengo emendakinak Jesus Guridi, Jesus Aranbarri eta Luis Aranbururi eskaini dizkiolarik. Musikasteko --Errenteriako Euskal Musika Astea-- 37 edizioetan plazaratuak izan diren sortzaileen biografiak ere sareratu ditu, joan izan diren obra guztien xehetasunez.

Errenteria, Gipuzkoa. Musikaren Euskal Artxibo Nazionalak, Eresbilek, zenbait ekimen abiarazi ditu 2009ko azkeneko txanpa honetan, beti ere bere baitan biltzen dituen materialei zabalkundea ematearren, horien artean aipatu beharra dagoelarik erakundearen webgunean eginiko aldaketak. Eresbilen webguneak estetika berri bati ekin dio eta edukien egitura berria ere hartu du, orrialde bereizituak emendatzen musikariei eta musikei eskainiak. Lehenengo ekarpenak Jesus Guridi, Jesus Aranbarri eta Luis Aranbururi buruzkoak dira.

Musikasteren --Errenteriako Euskal Musika Astea-- atalak biografia eguneratuak baitaratu ditu, euskaraz zein gaztelaniaz, urteroko musika ekimen errenteriar honek orain arte izan dituen 37 edizioetako musikagileak eta bertan jo diren obrak bilduz. Eresbilen asmoa honekin Euskal Musikaren Artxibo gisa duen zeregin nagusienari lotua dago: euskal musika ondarea bildu, babestu eta zabaltzea.

Zelaia Bekaren erabakia iristear

Berrien arloan, esan beharra dago, azkeneko hilabeteetan Juan Zelaia Letamendi Bekarako lanak aurkezteko epa zabalik egon ondoren, epe hori amaitu eta hasiak direla epaimahaikoak aurkeztuko lan proposamenak aztertzen. Sari hau, jakina denez, Euskal Fundazioak deitzen du, Eresbilen eskutik, eta 9.000 euroko diru kopurua dakar. Lehenengo komentario batean, esan daiteke aurten ere lanak gai ugaritasuna dakartela, euren artean daudelarik gai historikoetatik, etnomusikologiko eta pedagogikoetaraino. Egun gutxi barru jakinaraziko da irabazlea. Ez ahaztu, iazkoan Diasporako gai batek bereganatu zuela, Uruguaitik.

Azkenik, oroitaraztea Eresbilen helburuetako bat bere baitan gordetzen dituen musika altxorren zabalkundea dela, tartean sarritan eskuz idatzitako obrak egungo moldiztegi formetara ekartzea. Honi dagokionez, eta laukoteen berreskupenerako Garat izeneko proiektuaren baitan --Musikene, Baionako Kontserbatorioa eta Euskal Kultur Erakundea lankide-- , euskal musikagile klasikoen laukoteak argitaratzen hasi direla. Lehenik Jesus Guridiren Laukotea Sol-en izan zen eta Tomas Aragues-en Laukote modala. Urtea amaitu aurretik, beste bi nahi dira plazaratu, horietako lehena Aita Donostiaren Laukotea Mi-n.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia