euskalkultura.eus

euskal diaspora eta kultura

Albisteak rss

Eduardo Calvo eta Sergi Sanchez Bartzelonako Euskal Etxeko XV. Mus Txapelketako irabazle, 32 bikote artean

2010/02/04

Bartzelonako Euskal Etxeko 2010eko Mus Txapeldunak: Eduardo Calvo eta Sergi Sanchez (argazkia EE)
Bartzelonako Euskal Etxeko 2010eko Mus Txapeldunak: Eduardo Calvo eta Sergi Sanchez (argazkia EE)

PUBLIZITATEA

Bartzelona, Katalunia. Joan den asteartean bukatu da Bartzelonako Euskal Etxeko XV. Mus Txapelketa eta irabazleen bi txapelek badaukate izena: Eduardo Calvo eta Sergi Sanchez dira 2010. edizio honetako txapeldunak. Txapelketa urtarrilaren 20ean hasi zen, 32 bikote apuntatu zirelarik, tartean Euskal Etxeko bazkideak zein bazkide ez zirenak.

2010 bartzelona mus txapelketa 02

[Bartzelonako Euskal Etxearen XV. Mus Txapelketako lehenengo saioaren itxura]

Lau jardunaldiren ondoren, duela bi egun jokatu dira finalaurrekoak eta finala. Txapeldunek, asteburupasa bat irabazki dute Ibai Osterian (www.ibaiosteria.com) eta txapeldunordeek, berriz, afari bat Sagardi jatetxean (www.gruposagardi.com). Hirugarren bikote sailkatuari dagokionez, Baserri tabernan (www.baserri.org) egokitu zaien afari eder batekin ospatuko dute beren joko ona.

Azken hauek joango dira gainera udaberrian Madrilen jokatuko den estatu mailako finalera, Euskal Etxeko bazkideen artean ondoen sailkatuak izan direlako.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia