Diasporan egoera larrian dauden pertsonentzako laguntzak eskatzeko epea ireki da; otsailaren 29a arte

2011/12/29

Lehendakaritzaren egoitza, Gasteizen

PUBLIZITATEA

Eusko Jaurlaritzak gaurko Agintaritzaren Aldizkarian (EHAA) argitara eman du atzerrian euskal gizataldeetako partaideak diren eta egoera larrian eta asistentzia faltan dauden pertsonei laguntzeko diru-laguntzak eskatzeko 2012. urteko deialdia. Orotara 202.000 euroko zuzkidura du deialdi honek eta eskabideak aurkezteko epea otsailaren 29an itxiko da. Aurreko urteetan bezala euskal etxeak dira eskabideak aurkeztuko ardura dutenak; hori dela eta, laguntzak eskatu nahi dituztenek gertuen duten euskal elkartearekin jarri behar dute harremanetan lehenbailehen.

Vitoria-Gasteiz. Eusko Jaurlaritzako Kanpo Harremanetarako idazkari nagusiak atzerrian dauden euskal gizataldeetako partaideen asistentzia premiak eta egoera larriak atenditzeko 2012ko laguntza deialdia ireki du. Aurreko edizioetan bezala, euskal etxeak izango dira laguntzak eskatuko dituztenak; beraz, baldintzak betetzen dituztenek gertuen duten euskal etxearekin jarri behar dute harremanetan. Euskal etxe bateko bazkide denak bere elkartearen bitartez eskatuko du laguntza, eta euskal etxe bateko kide izan gabe euskal gizataldeko kidea denak gertuen duen elkartearekin edo, bestela, bere herrialdeko elkarte batekin jarri beharko du harremanetan.

Euskal etxeek interesa duten pertsonen eskabideak sinatuta aurkeztu beharko dituzte, atxikitako ereduan ezarrita dagoen modura eta bertan eskatzen den dokumentazioarekin, honako helbide honetan:

Kanpo Harremanetarako Idazkaritza Nagusia
Lehendakaritza
Nafarroa kalea, 2
01007 Vitoria-Gasteiz

Eskabideak, halaber, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 38. artikuluan ezarritako edozein eratan aurkeztu daitezke, hala nola Euskadiren Ordezkaritzetan. Lege hori urtarrilaren 13ko 4/1999 Legeak aldatu zuen.

Eskabideak aurkezteko epea 2012ko otsailaren 29an amaituko da.

-Deialdiaren oinarriak eta informazio osoa, hemen