Rawson, Argentina. Rawson-eko Liburu eta Kultur Azoka probintziala, Andealdean, San Juan probintzia argentinarrean, irailaren 28tik urriaren 7ra arte luzatu da aurten. Ekitaldiaren 10. edizio honetan, partaidetza nabaria izan du San Juan hiriburuko Euskal Etxeak. Izan ere, babesa eman dio bere bazkide den Eduardo Ochoaren ‘Una Historia tras el Mito de los Duendes Vascos’ (Euskal iratxoen mitoaren atzeko istorio bat) liburuaren aurkezpenari, eta ‘Wapa’ dantza institutuko dantzariek liburuaren aurkezpena edertzeko eskaini zituzten Euskal Herriko dantzei.
Euskal Etxeko kideekin batera, herri eta probintziako agintariek ere hartu zuten parte ekitaldian, tartean Zinegotzien Ganberako presidente Juan Carlos Salvador-ek. Salvadorrek berak eskuratu zion Ochoari liburuak jasotako "Departamentuaren intereseko" aldarrikapenaren agiria.
Egilearen hitzetan, ‘Una Historia tras el Mito de los Duendes Vascos’ liburua “biografia bat da, historia eta euskal mitologia lotzen dituena, testuko protagonista Félix Abelardo Ochoa arabarra izanik, nire aitona". "Bertan nola iritsi zen Argentinara kontatzen dut, nola kokatu zen Marayes-en, San Juan probintzian, eta nola transmititu zigun euskal nortasuna”, azaltzen du Eduardo Ochoak.
Ekitaldiaren argazki gehiago, hemen.
Lagun bati bidali
Komentarioa gehitu
