euskalkultura.eus

Artea, Bizkaia. Hauxe da Euskal Herritik Euskal Abertzaletasunaren Museoak-Sabino Arana Fundazioak Argentinara erdera hutsean zuzendutako gutunaren testu euskaratua.

Artea, 2009/10/06

Jaun-andere horiek:

Sabino Arana Fundazioaren Euskal Abertzaletasunaren Museotik (Bizkaitik, Euskadin) oso interesatuta gaude Jose Antonio Agirre Lekuberen (1904-1960) egon daitezkeen irudi finko eta mugikorrak eskuratzeko (filmak, dokumentalak eta argazkiak). Agirre, Eusko Jaurlaritzako lehendabiziko lehendakaria izan zen, 1936ko urriaren 7tik hil zen arte.

Jakin badakigu Agirre Lehendakariak zenbaitetan bisitatu zuela Argentinako euskal gizataldea:

          - 1941ean
          - 1942an
          - 1951ean (Demokrazia Kristauaren Biltzarra)
          - eta 1955 azkenean edo 1956 hastapenean

Jakin nahi genuke ba al dagoen bidaia horietako filmarik (erakundeena zein pribatu/familiarra), soinu grabaketak edo argazkiak aipatu bidaiei dagozkienak.

Zure euskal etxe edo erakundean gure interesekoa izan daitekeen objektu/dokumenturik bazenu, zer nolako baldintzatan erosi ahal izango genuke argazki edo grabaketa horien kopiarik? (baldintza teknikoak, ekonomikoak, nondik heldua zaigun adieraztea, eta abar).

Zuk ez bazenu: ezagutzen al duzu beste inor --gizabanako zein erakunde-- bila ari garen gisako materiala izan dezakeenik? Zinez eskertuko genizuke edozein aholku eta laguntasun Euskaditik hasia dugun bilaketa honekiko.

Geure helburua, etekin ekonomikorik gabeko kultur Erakunde garenez gero, material mota hauek guztiak bildu eta bere eduki edota erreferentzia geure webgunean  eman ahal izatea da, Agirreren nortasuna hobeto ezagutu nahi duen ororen eskueran ipintzeko.

Zure arreta aldez aurretik eskertuz, eta zure erantzunaren zain, har ezazu agur bero bat.

Marian Moreno
Euskal Abertzaletasunaren Museoko arduraduna - Sabino Arana Fundazioa

Lotura interesgarriak

Agirre Lehendakariaren heriotzaren 50. urteurrena
www.sabinoarana.org/antbuspre.asp?cod=4409&nombre=4409&nodo=&orden=Falso&sesion=14

Euskal Abertzaletasunaren Museoa
www.abertzaletasunarenmuseoa.org

Sabino Arana Fundazioa
www.sabinoarana.org

Helbideak:

-Sabino Arana Fundazioa
Gran Vía 29 - 5º
48009 Bilbao
Tel: (34) 94 405 6450 - (34) 94 405 6448
Faxa: (34) 94 405 6452

-Euskal Abertzaletasunaren Museoa
Herriko Plaza, 39 - Meñaka Jauregia
48142 Artea (Arratia-Bizkaia)
Tel: (34) 94 631 7286 - (34) 94 631 7399
Fax: (34) 94 631 7250