euskalkultura.eus

Corpus Christi, Argentina. Corpuseko Eusko Etxetik, bertako lehendakari Olga Leiciagak adierazten digu jaso dituzten eskabide guztiak kontutan hartu ondoren, helbide elektroniko berri bat zabaldu dutela, soilik originalak biltzeari dedikatua, lehiaketan parte hartzea erraztearren: relasombroso3@yahoo.com.ar da helbidea eta bertara igor daitezke lehiaketan parte hartzeko lanak, azaldu du Leiciagak.

OINARRIAK

Aurreko aldietan bezala, bi gau onartuko dira:

-Gertaera eta pasadizo misteriotsu edo harrigarriak, norberak bizi edo inguruan ezagutu dituenak, inguruko bati pasa edo familian gertatu edta kontutatua izan delako

-Herrietan ohikoak diren pertsonaia berezko edo xelebreen pasadizo eta istorioak, herrietako bizitzako parte koloretsua direnak

Luzerari dagokionez, kontaketek hiru orrialdeko luzera izango dute gehienez; A-4 tamainan; letra 12 neurrikoa; lerroartea 1,5; goiko eta beheko marjenak 2,5; eta ezker-eskuinekoak, 3.

Sariak. Epaimahaikideek lehenengo eta bigarren sariak eta aipamen berezi bat banatuko dituzte gaiaren araberako bi kategoria horietako bakoitzeko ('kontaketa harrigarriak' eta 'pertsonaiak').

Eusko Etxeak liburu eta diploma bana emango ditu lehenengo eta bigarrengo sariei, eta diploma bana aipamen bereziei. Sari banaketa dagokionean adieraziko edo baieztatuko den data batean gauzatuko da, apiril hondarrean edo maiatza haiseran.

Lan originalak honako helbidera beharko dira zuzendu:

'Kontaketa Harrigarrien III. Literatur Lehiaketa'
Eusko Etxea (Casa Vasca) de Corpus Christi
Suiza y Francisco Mónaco. 3327. Corpus Christi
Provincia de Misiones, República Argentina

Kartazal handi batean sarturik, beste hiru txikiago, eta horietako bakoitzean kontaketaren kopia bana beharko dira bidali; eta beste batean, kanpoan ezizena ipinita eta barnean egilearen datuak: izen-deiturak, ohiko posta helbidea, telefonoa, helbide elektronikoa, herria, probintzia eta herrialdea.

Edo posta elektroniko bidez, relasombroso3@yahoo.com.ar helbidera. Azken kasu honetan, testurik hartutakoan berehala adierazi eta jaso izana baieztatuko dela adierazi dute antolatzaileek.

Posta elektroniko bidezko galdera eta kontsultak euskorpus05@yahoo.com.ar helbidera bideratuko dira; galderak telefonoz egin nahi badira, Argentina barnetik markatu behar den zenbakia 03752-495057 izango da; eta kanpotik markatuta, 00 54 3752-495057.

Antolatzaileek gogora ekarri nahi izan dute lehiaketa honen helburua, "gure herrietako istorioen aberastasunera hurbiltzea dela, norberaren eta herri bakoitzaren izaera eta nortasunaren parte diren heinean gal ez dadin".