euskalkultura.eus

[Baietz taldeko kideak joan den ostiraleko emanaldian]

"Erantzun zioten sortutako jakinminari. baietz-koen aurreko kontzertuetan eta emanaldi didaktikoetan izanak garenok bagenekien ez ginela zapuztuta aterako. Bidaia ederra eskaini ziguten Bizkaian zehar, bertako instrumentu eta erritmo tradizioak azalduz eta egungo ekoizpen eta eraginekin nahasiz", zioen EuskalKultura.com-i Elba Mokoroa bertako euskaltzaleak.

Txilibrin eta Gernikako Arbola

Doinu zaharren jokera berriek eta tradizionalagoek bat egin zuten kontzertuan, albokaren aireak emanez esaterako Txikibrinen Porrusalda edota Txilibrinen Jotan; Kaixarrankaren kasuan, Alejandro Lamayer dantzariaren lankidetza bildu zuten; eta Kopla zaharrak bizkaieraz-en kasuan, Fernando Zabalza, Noe Fernandez eta Gaspar Jaurenaren ahotsez plazaratu zuten. Taldeak moldaketa berri batez kantatutako Gernikako Arbola batek bertaratutakoak hunkitu zituen.

Kontzertua goitik behera eskaini zieten Bizkaiko aire, erritmo eta dantzei, argiro erakutsiz taldearen ezagutza eta engaiamendua euskal musikari, hizkuntzari eta oro har euskal kulturaren zabalkundeari dagokionean.