euskalkultura.eus

Resistencia, Argentina. Kotoiaren Lurra Euskal Etxeko arduradunek 'Aurrera Goaz' Bokaziozko Antzerki Taldea aurkeztu zuten iragan ostiraleko afarian. Miguel Lurbek gidatzen du taldea eta honako aktore gazteek osatzen dute: Gustavo Miño, Ana Paula Ayala, Gerardo Maidana, Johanna Valenzuela, Mauro Ariel Carruego, Nancy Escobar, Rodrigo Blanco, Marianela Echavarria, Brenda Tour, Bristela Olivera, Cintia Garcia, Marianela Diaz eta Paula Blanco, azken hau zuzendaritza laguntzaile gisa. Aktoreek Ana Maria Lombardo irakasleak sortutako 'Tximiniako lamia' antzezlana aurkeztu zuten afarian. Antzezlan hau euskal mitologiaren munduan du ardatz, lamiak, sorginak eta jeinuak bezalako pertsonaiak aurkeztuz. Ondoren, Miguel Lurbek estatua bizidun baten papera antzeztu eta Giselle Ilarrazek arabiar dantzen erakustaldia eskaini zuen. Ekintza honekin Chacoko Euskal Etxea kultura eta kolektibitate guztien integrazioa lortzen saiatzen dela frogatu zuen dantzariak.

[Iragan ostiralean egindako afarian umorez beteriko momentuak egon ziren]

['Aurrera Goaz' Antzerki Taldeak euskal mitologiari buruzko antzezlana eskaini zuen]

Afariaren ostena  zozketak egin ziren eta, hainabt sarien artean, Maria de los Angeles Soler artistak emandako margolana Socorros Mutuoseko Espainiar Elkarteko Gazte azpibatzordeari egokitu zitzaion. Ospakizuna Grisela Echavarria antzerki irakasleak eginiko umorezko bakarrizketa batekin amaitu zen. Kotoiaren Lurra Euskal Etxeko zuzendaritzak bazkideen, lagunen eta publikoaren partaidetza eskertzen du lehen topaketa egiten laguntzeagatik.

[Goiko irudian, Maria de los Angeles Soler artistaren lanaren zozketan saridunak ateratako kideak sariarekin (argazki multzoa Kotoiaren Lurra Euskal Etxea)]

Jardueren kontsultarako:

Informazio gehiago eskuratzeko jo Pellegrini 213 kaleko egoitzara (Komunikazio Hedabideen Museoa), deitu 03722-453146  telefonora (Dandra Nieva) edo e-maila idatzi centrovascodelchaco@hotmail.com helbidera.